Таълим вазирилигининг мактаб ва мактабгача билим бериш бошқармасининг етакчи мутахассиси Айнура Кусеинова «Ала-Тоо 24» телеканалининг эфирида фарзандларини мактабга жўнатишни истамаган ота-оналар ўзлари ўқитишади деб билдирди.
«Агар фарзандларининг мактабга боришига қарши бўлса, ота-она билан билан мактаб ўртасида шартнома тузилади. Шартномада икки томоннинг вазифалари тўлиқ ёзилади. Бунда боланинг билим олишига ота-оналар масъул бўлади», — дейди Кусеинова.
Унинг айтишича, ўқитувчи берган вазифасини ўқувчи ота-онаси билан бирга бажариб, ўқитувчига жўнатади. Ўқитувчи ўз навбатида ҳафтада бир марта алоқага чиқади.
Кусеинованинг билдиришича, одатий билим бериш жараёнига қайтиш зарур.
«Мактаб ва болалар боғчасидан бошқа муассасалар ишламоқда. Болалар дўстлари билан учрашиб, суҳбатлашиб, айланиб юришибди. Асосан ота-оналар ишда бўлгани учун кўпчилик болалар қаровсиз қолмоқда. Ўқувчилар мактабга келса, тарбиявий, синф соатларини ўтказиб, соғлиқ дақиқаси асосида санитар меъёрларга амал қилиш, ниқобни тўғри тақишга ўргатиб, қўлларини тез-тез ювиб туришга шароит яратар эди», — деди мутахассис.
Мактаблар 2020 йилнинг март ойидан бошлаб бутун дунёда, жумладан Қирғизистонда ҳам коронавирус пандемияси кучайганда масофадан ўқитиш режимига ўтган. Баҳорда таълим вазирлиги мактаб ўқувчиларига махсус дастур ишлаб чиққан. Бироқ мазкур ўқитув усули бир қанча камчиликларни очиб берган.
Ота-оналар муассаса ишла чиққан дастур ўқувчилар учун тушунарсиз, ўқув дастури жойлашган сайт ва мобил қўлланмаган ночор, баъзан умуман ишламайди деб норози бўлган. Ҳудудлардаги ҳолат бундан ҳам ёмон бўлган. Тегишли гаджет ва интернет йўқлигидан мактаб ўқувчилари билим олиш имконидан маҳрум бўлган.
Муаммоларга қарамай масофадан ўқитиш янги ўқув йилининг биринчи чорагигача давом этди. Сабаби ўлкадаги эпидемиологик ҳолат кескинлигича қолган.
