Марказий сайлов комиссиясининг раисаси Нуржан Шайлдабекова 20-декабрга тайинланган такрорий парламент сайловини бекор қилганини билдирди. Бу қарорни Бишкекнинг Биринчи май туман суди қабул қилди.
Шайлдабекованинг айтишича, бу вақтгача «Актив» ва Демократия ва фуқаровий жамият коалицияси МСКнинг қарорини бекор қилиш ҳақида ариза билан мурожаат қилган. Суд аризани қаноатлантириб, парламент сайловини қайта ўтказиш бўйича қарорни бекор қилган.
«Ҳозир бизда кворум бўлмаяпти, сабаби айрим аъзолари сўроқда. Шу сабаб мазкур масалани барча ҳамкасблар йиғилганда ва балки сайловга қатнашиш учун билдирув берган партияларнинг иштирокида қараб чиқишни таклиф қиламан», — деди Нуржан Шайлдабекова.
Суд қарорни бекор қилгунча 37 партия сайловга қатнашиш ниятини билдирган.
МСКнинг раисаси ҳозирча сиёсий партиялардан ҳужжатларни қабул қилишни тўхтатилишини таъкидлади.
«Бироқ биз бу вақтни ҳисобга оламиз. Агар Олий суд бошқа қарор қабул қилиб, жараённи жонлантиришга имконият яралса», — деб тушунтирди Шайлдабекова.
Сўнгги парламент сайлови 4-октябрда ўтган. Бироқ унда агитация вақтида ва сайлов куни кўплаган қонунбузарликлар бўлган. 5-октябрда сайлов натижасига қарши бўлганлар Бишкекнинг Ала-Тоо майдонига йиғилиб, президент ва ҳукуматнинг истеъфосини талаб қилишган.
Марказий сайлов комиссияси 6-октябрда сайлов натижасини бекор қилиб, такрорий сайловни 20-декабрга белгилаган.
22-октябрда Жогорку Кенешнинг бир нечта депутати конституциявий реформа ўтказишни ва сайловни жилдиришни таклиф қилган қонун лойиҳасини кўтаришган.
23-октябрда президент вазифасини бажарувчи ва премьер-министр Садир Жапаров мазкур қонунни имзолаган. Унга кўра, парламент сайлови июнгача жилдирилган.
Бироқ унгача референдум ўтади, унда депутатлар парламент ёки президент бошқаруви формасини қабул қилишни кўриб чиқиши кутилмоқда.
