Жээнбеков янги бош вазир ва ҳукумат тасдиқлангандан кейин истеъфога кетишга тайёр

411

Президент Сооронбай Жээнбековнинг матбуот хизмати 9 октябрга ўтар кечаси давлат раҳбарининг янги мурожаатини эълон қилди. Жээнбеков мурожаатида президентликдан ихтиёрий равишда кетишга тайёрлигини билдирди.

«Ҳозирги вазиятни тез орада ҳуқуқий майдонга киритиб, барча давлат органларини, ҳукуматни легалли мақомга эга қилиб, ўлка қонуний тушгандан сўнг президентликдан кетишга тайёрман», — деб айтилади мурожаатда.

Унинг айтишича, ҳозирда премьер-министр бўлиб саналган Кубатбек Бороновни, уларнинг орасида олдингидай ҳукуматнинг легитимли тармоқлари бўлиб ҳисобланган ҳукумат аъзоларини истеъфога чиқариш керак.

«Янги бош вазирни ва ҳукумат аъзоларини тайинлашни легитимлаштириш учун Жогорку Кенешнинг қарори ва Президентнинг фармонини чиқариш зарур. Мен тегишли фармонни имзолашга тайёрман, бунинг учун Жогорку Кенешнинг тегишли қарорини кутаман», — деб билдиради Жээнбеков.

Унинг фикрича, МСК янги парламент сайловини ўтказиш кунини белгилаши керак ва бу «қадамлар ҳозирги сиёсий тўқнашувларни тўхтатади».

«Яна бир марта такрорлайман — мен ҳозирги хизматдаги ўзгаришларни қонунийлаштириб, вазиятни ҳуқуқий майдонга қайтаришга зарур бўлган қарорларга қўл қўяман. Мен учун ҳеч бир лавозим — давлатнинг бутунлигидан, халқнинг бирдамлигидан, жамият тинчлигидан устун эмас», — деб айтилади президентнинг мурожаатида.

Қонун бўйича агар Жээнбеков ўз ихтиёри билан истеъфога кетадиган бўлса, унда унинг вазифаларини парламент спикери бажаради. Ҳозирда депутатларнинг бир қисми спикерлик хизматига Миктибек Абдилдаевни сайлаган, лекин бунинг легитимилиги муаммолигича қолмоқда. Шунингдек, янги президентнинг фавқулодда сайлови давлат раҳбарининг ваколатлари тўхтаган кундан бошлаб уч ой ичида ўтиши керак.

Аввалроқ президентнинг матбуот котиби Толгонай Стамалиева Жээнбеков импичмент масаласини қарашга тайёрлигини билдириб, давлат раҳбари бу қадамга кадр ўзгаришлари ва вазият ҳуқуқий йўлга тушгандан кейингина боради деб қўшимча қилган. Жээнбековнинг ўзи бир неча марта партия ва сиёсий ҳаракатларнинг лидерлари билан сўзлашишга тайёрлигини билдирган эди, бироқ унинг айтишича, улардан бирортаси ҳам музокара таклиф қилмаган.

Президент қаерда экани — номаълум. Унинг матбуот котиби Жээнбеков давлат резиденциясидан 6 октябрь куни эрталаб кетганини, бироқ Бишкек шаҳрида эканини билдирган.