Парламент сайловининг натижасига норози партиялар бирлашди. «Реформа», «Чон Казат», «Ордо», «Ийман Нуру» ва «Мекен Интимаги» овоз бериш натижаларини тан олмасликларини эълон қилиб, ўз тарафдорларини 5-октябрь куни соат 12га Ала-Тоо майдонида бўлиб ўтадиган митингга таклиф қилдилар.
«Бугун «Реформа», «Мекен Интимағи», «Чон Казат», «Ийман нуру» ҳамда «Ордо» партиялари бошларини бириктирди, бу сайловни легитимсиз деб ҳисоблаймиз. Ва натижасини тан олмаймиз», — деди реформачи Урмат Жанибаев.
«Биз бирлашдик», — деган билдирувини «Мекен Интимағи» партиясининг етакчиси Темирбек Асанбеков ҳам қолдирган.
4-октябрда сайловга қатнашган 16 партиянинг ичидан тўртаси парламентга ўтган.
«Биримдик» — 24,5%
«Мекеним Қирғизистон» — 23,88%
«Қирғизистон» — 8,76%
«Бутун Қирғизистон» — 7,13%.
Овоз беришнинг натижасига кўпчилик партиялар норозилик билдирмоқда. Ҳукуматга яқин «Биримдик» партияси сайловнинг натижаси билан қаноатланганини айтса, улардан қолишмаган «Мекеним Қирғизистон» бундан кўпроқ овоз олишимиз керак эди демоқда.
5-октябрда сайлов натижасидан норози бир неча партияларнинг митинги ўтиши керак бўлган — «Социал демократлар» соат 11:00да Ала-Тоо майдонига тинчлик акциясига чиқишса, «Реформа», «Чон казат», «Ордо», «Ийман Нуру» ҳамда «Мекен ИнтИмаги» у ерга соат 12га боришади. «Республика» билан «Ата-Мекен» эса соат 14:00га Опера ва балет театрининг ёнида учрашувлар ўтишини айтишган.
