Боронов Абилгазиевни кузатишда санитария қоидасини бузгани учун кечирим сўради. У жарима тўлайди

320

Бош вазир Кубатбек Боронов Хавфсизлик Кенгаши йиғинидан кейин санитария қоидаларини бузганлиги учун узр сўраб, ҳукуматнинг барча аъзолари, жумладан собиқ бош вазир Мухаммедқалий Абилгазиев жарима тўлайди деб билдирди.

Бороновнинг айтишича, у ўзи ва бошқа ҳукумат аъзолари суратга тушиш учун ниқобларини ечишган ва жамоатчилик танқиди тўғри.

«Бизга ташқарига чиқиб, суратга тушишни таклиф қилишди. Суратга тушиш вақтида бизга юзниқобларни ечиб туришни илтимос қилишди. Ўша вақтда бунга аҳамият бермаганимга афсусланяпман. Айни ўша вақт олти ой ичидаги барча ишларимизга соя солди. Албатта, биз жамоатчиликнинг қаттиқ танқидига учрадик. Бу тўғри», — деди ҳукумат етакчиси.

Бундан ташқари, ҳукумат етакчиси оддий ходимларга жарима солинмайди, чунки раҳбарият уларни Абилгазиевни кузатиш учун чақирган.

«Қонунга кўра, ўзимдан бошлаб, вице-премьер-министрлар, аппарат етакчиси ҳамда собиқ премьер-министр жарима тўлайди. Аппаратнинг ходимларига жарима солинмайди, чунки уларни иш вақтида бўлиб бошчилари экс-премьерни кузатишга чақиришган. Шу сабабдан улар жазоланмайди», — деб қўшимча қилди у.

Президентнинг танқиди

Янги ҳукумат етакчиси Кубатбек Боронов президент Сооронбай Жээнбеков хавфсизлик кенгашининг йиғинида ҳукуматнинг бутун аппаратини вазирлар кабинетининг аъзолари ижтимоий масофани сақламай ва тиббий ниқобсиз туришгани тасвирга олинган сурат учун танқидга олгандан кейин кечирим сўради.

«Ҳукумат аъзолари тўпланиб, ижтимоий дистанцияни сақламай, юз ниқобисиз суратга тушишди. Бундай нарсалар [коронавирус билан курашиш бўйича] ҳаракатларимизнинг барини бекор қилади», — деб билдирган у.

Собиқ премьер-министр Абилгазиевни кузатишда олинган суратни унинг матбуот котиби Адилет Султаналиев эълон қилган. Суратда 120дан ортиқ кишининг бир-бирига суяниб турганини ҳамда улар юзниқоби тақмай туришганини кўриш мумкин. Соғлиқни сақлаш вазирлиги фуқаролардан коронавирус эпидемиясининг вақтида санитария қоидаларини сақлашни доимо талаб қилиб келади.

Суратда фуқаролар санитария нормаларини сақламаяпти деб бир неча бор шикоят қилган янги ҳукумат етакчиси Кубатбек Бороновни ҳам кўриш мумкин.

19-июнга келиб Қирғизистонда коронавирус юқтирганларни аниқлаш бўйича навбатдаги антирекорд қайд қилинди, сутка ичида вирус юқтиришнинг 132 янги ҳолати қайд қилинди.

Соғлиқни сақлаш вазирлигининг маълумоти бўйича, мамлакатда COVID-19 юқтиришнинг умумий 2 789 ҳолати қайд этилди. Стационарларда 544 бемор даволанмоқда, пандемия вақтида касалликдан жами 1 961 киши соғайиб, 32 киши вафот этган.