Халқаро «Манас» аэропортининг матбуот хизмати 8 июнда мамлакат бўйича барча ички қатновлар қайта тикланганини хабар қилди.
«Узоқ давом этган карантиндан кейин бугун, 2020 йилнинг 8 июнида Бишкек–Ўш–Бишкек рейси бўйича дастлабки ички авиарейслар хизмат кўрсатди. Йўловчиларнинг умумий сони– 208», — деб билдирилди матбуот хизматидан.
Матбуот хизматининг маълумотига кўра, аэропортда ва самолётнинг салонларида дезинфекция ўтказилиб, Соғлиқни сақлаш вазирлигининг талаблари бўйича барча санитар нормалар сақланди.
«Биз барча йўловчиларни таклиф қилинган дастлабки чораларини сақлашни илтимос қилган ва Қирғизистоннинг барча аэропортларидаги терминалларга кириш тиббий ниқоблари ва авиабилети билангина учувчи йўловчилар кира олишини эслатган. Барча йўловчилар киришда автоматлаштирилган термометриядан ва дезинфекция туннелларидан ўтади», — деб айтилади матбуот хизматининг билдирувида.
Ҳукумат бунга қадар 15 июндан бошлаб халқаро авиа рейсларни очишга тайёргарлик кўра бошланишини хабар қилган. Фуқаролик авиация агентлигининг етакчиси Курманбек Акишев Соғлиқни сақлаш вазирлигининг, аэропортларнинг ҳамда агентликнинг ўртасида алгоритмни келишув олиб борилмоқда деб билдирган эди.
«Соғлиқни сақлаш вазирлиги билан ФҲВ кунига икки-уч рейсга рози, бу ҳолатда улар обсервация бўйича барча талабларни бажара олишади», — деган у.
Қирғизистонда коронавирус пандемияси бошлангани сабаб ҳукумат 25 мартдан бери чегараларини ёпиб, халқаро ва ички авиа рейсларни тўхтатган. Аммо «Манас» аэропорти юк ташувчи ва чартер рейсларни давом эттириб келган.
8 июнга келиб, ўлка бўйича коронавирусга чалинишнинг 2032 ҳолати аниқланиб, COVID-19дан 23 киши вафот этган.
