Соғлиқни сақлаш вазирининг ўринбосари Нурболот Усонбаев 24.kg нашрига берган интервьюсида депутат Нурбек Тотоновнинг укаси Айбек Тотоновда коронавирус аниқланганини билдирди.
Бунга қадар 16-майда Россиядан келган ҳайдовчилардан бири санитар қоидаларини диққатга олмай Жалолободга жўнаб кетгани ҳақида маълумот пайдо бўлган. Бу ҳайдовчи Айбек Тотонов бўлиб чиққан.
«COVID-19 учун топширган экспресс таҳлилининг натижаси ижобий бўлиб турганда уни қўйиб юбориши мумкин эмас. Унинг биринчи таҳлили салбий бўлган. ПЧР диагностика ўтказилганда у юқтириб олгани маълум бўлиб, изоляцияга олинган», — деб таъкидлади вазирнинг ўринбосари.
Депутат Тотонов Kaktus.mediaга берган интервьюсида айтиб беришича, укаси Айбек Тотоновнинг Россиядан қайтиб келгандан кейин коронавирусга топширган тести терс бўлиб чиққан, шу сабабдан у юртига Жалолободга кетган.
Парламентарий маълум қилишича, қайта топширилган тест ижобий натижа кўрсатган. Шундан кейин Айбек Тотонов Жалолобод вилоят касалхонасига етказилган.
«Ҳозир у қайта таҳлил топширди, натижасини кутмоқда, ҳозирча унда ғеч қандай симтомлар йўқ», — деб билдирди депутат.
Шунингдек Тотонов укасининг таҳлилларини интернетга чиқиб кетганидан норози бўлди, чунки бу одамнинг шахсий маълумоти.
«Агар у касал бўлиб қолган бўлса ҳам, унинг акаси депутат бўлгани учунгина одамнинг маълумотларини тарқатиш нотўғри», — деб билдирди у.
19-майга келиб Қирғизистонда коронавирус юқтиришнинг 1 243 ҳолати қайд этилди, 898 бемор касалхонадан шифо топиб чиқраилди. Стационарларда даволанишда 331 киши бор, уларнинг ичидан 5 бемор жонлантириш бўлимида.
