Мамлакатда коронавирус юқтирган яна 17 бемор шифо топди

291

Соғлиқни сақлаш вазирининг ўринбосари Нурболот Усонбаев 10-майдаги брифингда ўтган кеча-кундузда коронавирус юқтирган яна 17 бемор шифо топганини хабар қилди. Уларнинг ичида ўн тиббиёт ходими бор. 

Бишкек шаҳрида — 7, Ўш шаҳрида — 5, Норин вилоятида — 4 ҳамда Жалолобод вилоятида бир беморнинг қайта олинган таҳлиллари терс натижа кўрсатган. 

Шу билан коронавирус юқтириб тузалган беморларнинг сони 675 нафарга етди — уларнинг орасида 176 нафар тиббиёт ходими бор. 

Қирғизистонда 10-майга келиб коронавируснинг умумий 1002 ҳолати қайд этилди. Бугунги кунда касалхоналарда 260 киши ётибди — уларнинг тўрт нафари касалхонанинг жонлантириш бўлимида.