Ҳимоя воситаларининг сифатсиз эканини айтган шифокорни кечирим сўрашга мажбур қилишди

372

Твиттер ижтимоий тармоғида қирғиз шифокорларидан бири унга берилган тиббиёт ниқобининг сифатидан шикоят қилган.

У твит эълон қилгандан кейин унга нисбатан босим бўлганини билдирган, кўп ўтмай эса унинг аккаунти ўчирилган. Аккаунти ўчирилгунга қадар шифокор бош шифокор олдига кириб чиқиши керак бўлган.

 

Натижада шифокор эҳтимол ноаниқ маълумот учун кечирим сўрашга мажбур бўлгани видео эълон қилинган.

Депутат Дастан Бекешев ёш шифокорнинг тарафини олишга тайёр эканини билдирди.

Бу шифокорлар ёки уларнинг яқинлари сифатсиз ҳимоя воситалари ёки уларнинг етарсизлиги ҳақидаги билдирувлар учун босим ўтказилаётгани ҳақидаги шикоятларнинг биринчиси эмас. Шунга қарамай, ҳукуматнинг ўзи, шунингдек бош вазир ҳам ҳимоя воситаларининг етарсиз эканини тан олган. Аммо яқиндагина Абилгазиев “ҳозир ҳаммаси етарли” деб айтган, бироқ ўлкада сунъий нафас олдириш аппаратлари етарли эмаслигини тан олган.

Масалан, ижтимоий тармоқларнинг фойдаланувчилари уларга МХДҚнинг ходимлари келиб ёки уларни қидириб “вазиятни оғирлаштирмаслик” учун ҳимоя воситалари билан таъминлаш етарли бўлмаётгани ҳақида ёзмасликни илтимос қилишганини айтиб берганлар кўп. Муассасанинг ўзи эса “фейк” маълумотларни тарқатган одамларни топгани ҳақида бир неча марта ҳисобот бериб, ижтимоий тармоқларда уларнинг кечирим сўраётгани тасвирланган видеоларни эълон қилган.

МХДҚнинг ҳаракатларини йиғинлардан бирида депутат Элвира Сурабалдиева билан Дастан Бекешев танқид қилган. Депутатлар махсус хизматнинг одамларга ортиқча босим ўтказаётганини айтган.Сурабалдиева эса муассаса шифокорларни алдашга мажбурлаганини билдирган.

Шунингдек Сурабалдиева идора Сўқулуқнинг турғунини ўша райондаги вирус юқтириб олган одам ҳақидаги фейк учун кечирим сўратишганини айтиб берган. Бироқ депутат Сўқулуқда бўлиб келган ва коронавирус юқтириш ҳолати қайд этилганини билади. Аслида эса Чуй вилоятининг мухтор вакили бунга қадар маҳаллий ҳокимият изоляция қилинганини хабар қилган. Бунга амалдорлардан бирининг турмуш ўртоғида инфекция аниқлангани сабаб бўлган.

Обрўнинг туширилиши

Қирғизистонда коронавирус юқтирган шифокорларнинг сони 79 кишига етди. Уларнинг бир қисми яқиндагина вице-премьер-министр Кубатбек Боронов обрўйимизни тушириб, ёлғон маълумот бермоқда деб шикоят қилишган. Амалдор Ўшдаги болалар стационарининг шифокорлари докторлардан бири юқтирган одамнинг уйида меҳмонда бўлгани учун коронавирус юқтирганини билдирган. Гап ишдан ташқари юриб юқтирганларга компенсация тўловлари берилмаслигида бўлмоқда.

Амалдорнинг билдируви шифокорларни норози қилиб, улар ҳамкасбини ҳимоя қилиб чиқишган. Шифокорларнинг айтишича, у касални ишда юқтириб олган, чунки у ишда коронавирусга чалинган даъватчилар билан алоқада бўлган. Оғир аҳволда бўлган тиббиёт ходимлари билдиришича эса, у раҳбариятига вирусга текширилиб, карантинга кетиши кераклигини айтган, аммо уни тинглашни исташмаган.