ДРХ ва «Унаа» давлат идорасининг етакчилари вазифаларидан озод этилди

215

Давлат рўйхатга олиш хизматининг етакчиси Алмаз Мамбетов лавозимидан озод қилинди. Мамбетов бу хизматда бир йилга яқин ишлади, бунга қадар у Балиқчи шаҳрининг мэри бўлган.

У «Азаттык», «Клоопа» ва OCCRPнинг Қирғизистондан ноқонуний чиқарилиб кетган 700 млн доллар ҳақида 2019 йили ҳамкорликда чиқарган журналистик суриштируви эълон қилингандан кейин бошланган қирғиз паспортларини ноқонуний беришга боғлиқ можаро шартида хизматдан кетди.

Ўша йили суриштирувнинг фигурантларидан бири Айэркен Саймаитига Эркин Самятов деган исм билан 2003 йили ноқонуний паспорт берилган факти аниқланган.

ИИВнинг маълумотига кўра, 2019 йили сохта паспортларни бериш бўйича 34 ҳолат рўйхатга олинган. Қирғиз паспортлари чет эллик жиноий гуруҳларнинг аъзоларидан, ёлланма қотиллардан ва бошқа шубҳали шахслардан топилган.

«Унаа»

Мамбетовдан ташқари, хизматидан «Унаа» давлат идораиснинг бошчиси Алимжан Козубаев ҳам бўшатилган. Бу қарорни Хавфсизлик Кенгашининг таклифи билан ҳукумат қабул қилган.

Хавфсизлик Кенгашининг котиби Дамир Сагинбаев давлат идорасидаги тизимли коррупцияга қарши курашиш бўйича режаланган тадбирларнинг ярмидан кўпи бажарилмай қолганини билдирди.