МҲДҚ вице-премьер Разаковнинг Тожикистон махсус хизматига ёллангани ҳақидаги маълумотни текширади

458

Қирғизистоннинг вице-премьер-министри Жениш Разаковни Тожикистоннинг махсус хизматлари билан алоқаси бор экани ҳақидаги маълумот Тожикистон ОАВларида 2016 йилиёқ пайдо бўлган ва бу маълумот амалдорни хизматларга тайинлашлар пайтида вақти-вақти билан пайдо бўлиб турган. Разаков ўзи мазкур ўлканинг мазкур хизматларига тарғиб қилинганини инкор қилганига қарамай МҲДҚ парламентнинг талаби бўйича маълумотни текширади.

МҲДҚ вице-премьер-министр Жениш Разаковни Тожикистоннинг махсус хизматлари тарафидан ёллангани бўйича маълумотни текширмоқда. Муассасанинг матбуот котиби Рахат Сулаймановнинг айтишича, текширув бўйича батафсил маълумот унинг натижаси бўйичагина эълон қилинади.

Вице-премьер-министрни текширишни парламентнинг депутатлари талаб қилишган. Улар бундай қарорни 20-март куни қирғиз-тожик чегараси бўйича сўзлашувлар натижасини тинглаш жараёнида олишган. Сўзлашувда қирғиз делегациясини Жениш Разаков етаклаган. Сўзлашувлар Оқсой — Тамдиқ айланма йўлининг қурилиши сабаб Оқсой ва Ворух тожик анклави яшовчилари ўртасида чиққан низодан кейин бошланган. 13-14-март кунлари у ерда уч қирғизистонлик жабрланиб, икки тожикистонлик ҳалок бўлган.

Разаковнинг ёллангани бўйича маълумот дастлаб 2016 йили Тожикистоннинг муҳолифат ташкилоти дейилган сайтда эълон қилинган, шундан кейин маълумот Тожикистоннинг ва Қирғизистоннинг ОАВларида пайдо бўлган. Кейинчалик бу маълумот амалдор янги лавозимларга тайинланаётганда қайтадан сўз бўла бошлаган. «Азаттык» радиосу ўзининг тожик таҳририятидаги (Озоди ) ҳамкасбларига таяниб сайт ва Разаков «айғоқчи» деб айтилган биринчи мақоланинг муаллифи фейк бўлиши мумкинлигини ёзади.

Жениш Разаков — Қирғизистоннинг вице-премьер-министри, президент Сооронбай Жээнбековнинг аввалги маслаҳатчиси. У Ҳавфсизлик кенгашининг раҳбари ҳамда Боткен вилояти бўйича ҳукуматнинг ваколатли вакили бўлган, бундан ташқари Разаков бу ҳудуднинг ички ишлар органларида узоқ муддат иш олиб борган.