Президент Сооронбай Жээнбеков давлат органларининг рақамлаштирилишини танқид қилди. Унинг айтишича, давлат органларини онлайн хизматларининг сифати тушиб, муассасалар ишнинг рақамли форматига ўтишни истамай ўз маълумотларини қўлланиш имкониятини чеклашмоқда.
Президент Сооронбай Жээнбеков 14-декабрда охирги етти йилда давлат органларини рақамлаштиришга 50 млн доллар сарфланганига қарамай бу кутилган натижани бермаганини билдирди. Унинг айтишича, бунга давлат тузумларнинг ишни рақамли форматга ўтишига ҳамда ўз маълумотларини фуқаролар ва бизнечга очиб беришга интилиши йўқ бўлаётгани сабаб бўлмоқда.
«Ҳозирги вақтда Қирғизистон рақамли ривожланишнинг иккинчи босқичида турибди. Биз рақамли ривожланишнинг тўртинчи босқичига чиқишимиз лозим. Бунинг учун барча ҳукумат тармоқлари бу мақсадга алоҳида эътибор қаратиб, қаттиқ харакат қилиши керак. [...] Шошмай юришга биўда вақт йўқ», — деб таъкидлади Жээнбеков.
Жээнбековнинг айтишича, энди давлат органларини рақамлаштириш ўз топширмаси бўйича ишлаб чиқққан Ўлкани 2019-2023 йилларда рақамли транформация концепциясига кўра ўтказилмоқчи.
«Менинг асосий мақсадим — рақамли жамият қуриш орқали порахўрликни бартараф қилиш ҳамда ҳар бир фуқаро учун очиқ жамиятни ўрнатиш. Давлат ҳукуматнинг асосий функцияларини бажариш учун рақамли технологияларни кўламли қўлланиш зарур», — деди давлат раҳбари.
Ҳукумат ўлкани қандай қилиб рақамли мамлакатга айлантиришни истайди?
Ўлкани рақамлаштириш собиқ премьер-министр Сапар Исаковнинг қўллови остида, Алмазбек Атамбаевнинг президентлик муддати сўнгида йирик кўламда бошланган. 2017 йили улар «Таза Коом» давлат дастурини илгари суришган.
Бу дастур фуқароларнинг давлат билан ўзаро харакатланишини енгиллатувчи бир неча йўналишга бўлинган. Масалан, ҳуқуқий томонларни онлайн рўйхатга олиш; электрон патент олиш; «Шимол» системаси (у давлат органларининг ўртасидаги электрон ҳужжатлар алмашиши билан коммуникация учун жавоб беради); «Ақлли шаҳар» ҳамда унинг «Ҳавфсиз шаҳар» компоненти. Президентликка Жээнбековнинг келиши билан «Таза Коом» «Рақамли Қирғизистон»га трансформацияланган.
Йирик кўламдаги режаларга қадар рақамли трансформация бўйича айрим ташаббуслар илгари сурилган. Улардан бири — бу йўлларда хавфсизликни кучайтириш ҳамда йўл харакати қоида бузарликларини аниқловчи «Ҳавфсиз шаҳар» лойиҳаси. Мазкур дастурни ҳукумат бир неча йил ичида, Атамбаев «Таза Коом»ни олиб чиққунга қадар ҳам ишга топширишга харакат қилишган.
Аммо «Ҳавфсиз шаҳар»ни фойдаланишга топшириш доимо жилдирилиб келинган. Аввалига ҳукумат лойиҳани Россиянинг «Стилсофт» компаниясига беришни истаган, аммо келишув узилиб, суд текширувлари бошланиб кетган. Сапар Исаковнинг премьерлиги вақтида «Ҳавфсиз шаҳар»ни Хитойнинг «Хуавэй» фирмаси ишга топширишга тайёр бўлган, бироқ Хитой компанияси билан ҳам хамкорликдан воз кечишга тўғри келган.
Айрим вақтларда «Ҳавфсиз шаҳар»ни ўз кучи билан ишга беришга интилиб, аммо натижада лойиҳани 2018 йили сентябрда Россиянинг «Вега» мудофаа концернига ўтказиб беришга қарор қилган. Компаниянинг раҳбарияти «Ҳавфсиз шаҳар»ни 2019 йили амалга оширишни ваъда қилиб, лойиҳани ишга бериш қийматини 2,3 млрд сомга баҳолаган.
