Қирғиз киберспортчиси Евгений Ри (Blizzy) «Дота 2» ўйини бўйича Natus Vincere (Na’Vi) командасининг асосий таркибига кириб, кучли ўйинчилар сафини тўлдирди. Украинанинг Na’Vi командаси 2011 йилнинг чемпиони бўлган, ўша вақтда «Дота 2» бўйича The International биринчилиги илк бор ўтказилган.
Бунга қадар қирғиз киберспортчииу Na’Viдан қолишмаган Россиянинг Vega Squadron командасининг таркибида ўйнаган. Ҳозир бу жамоада бошқа икки қирғизистонлик, Бакит Эмилжанов (Zayac) ва Дуулат Субанкулов (Stormc4t) ўйнайди.
Blizzy Na’Viнинг тўлиғи билан янгиланган таркибига кирди. Охирги йиллари команда қийинчиликларга дуч келган: у кўпгача турнирларда юқори ўринларга эришолмай, The Internationalга эса умуман ўтмай қолган.
«Биз Vega Squadron гуруҳи билан муваффақиятли гаплашиб, уларни ўйинчисининг (Blizzy) бизга ўтиши ҳақида келишдик», — деб айтиб берди Na’Viнинг директори Евгений Золотарёв.
Золотарёв 2017 йилнинг бошида «Киберспорт» сайтига берган интервьюсида Na’Viнинг ўйинчилари ойига 1000 доллардан 6000 долларча даромад топиши ҳақида айтган. Унинг айтишича, ташкилот маошдан ташқари ўйинчиларнинг яшаган ерини, озиқ-овқатини таъминлаб, машғулотлар учун шароитларни яратиб беради.
«Дота» бўйича Na’Vi ўйинчиларининг яшаш шароити
«Na’Vi брендинигина эмас, уларнинг шахсий брендларини ҳам биргаликда ривожлантириш. Ўйинда қанчалик кўп стрим қилиб, тадбирларга бориб турса унинг даромади шунчалик кўп ҳамда шартномалари жиддийроқ бўлади. Ўйинчини ўтказиб олишнинг қиймати ҳам ўсади», — деб билдирган у.
Na’Viнинг янги таркиби
2018 йили июлда Na’Vi «Дота 2» бўйича ўзининг асосий таркибини «янгилаш» ҳақида эълон қилган. Икки ойдан кейин уюм команданинг янги капитани билан таништирган. У янги жамоа тўплаган россиялик ўйинчи Акбар Бутаев (SoNNeikO).
Na’Viнинг 2016 йилдаги охирги ғалабаси шуҳратли бўлган. Унда у халқаро StarLadder турнирида биринчи ўринни олиб, 135 минг доллар ютиб олган. Лекин бу жорий йили OG командаси The International турнирида биринчи ўрин учун 11 млн доллар енгиб олган пулга нисбатан оз бўлиб қолади.
Аҳамиятли ғалабалар йўқлигига қарамай Na’Vi дунёда энг машҳур командаларнинг бири бўлиб қолавермоқда. Унинг ютуб каналига 1,2 миллиондан ортиқ киши ёзилган.
Турли муддатларда Na’Viнинг таркибида дунёнинг энг машҳур киберспортчулари Данил Ишутин (Dendi), Куро Талехи Тахасоми (KuroKy) ва Клемент Иванов (Puppey) ўйнашган.
У 2013 йили Na’Vi The Internationalнинг турнирига ўтиб, энг ёдда қолувчи гранд финал ўтказган.Унда Na’Vi ғалабани Швециянинг Alliance командасига қарши учрашувда 2:3 ҳисобида қўлдан бой берган.
