Қоракўл: Ўлдирилган тиббиёт коллежининг директорининг қариндошлари айблонувчининг оқланишига қарши митингга чиқди

604

Иссиқ кўл вилоят суди биноси олдида 2016-йили ўлдирилган Анарбубу Апсалиеванинг қариндошлари норозилик намойишини ўтказишди. Норозиликка чиққанлар Апсалиевани ўлдиришда гумон қилинган аёлни оқлаган ҳукмга рози эмас.

Суд биноси олдида йиғилганлар бу иш бўйича айбланувчига адолатли қарор чиқаришни талаб қилишди.

Иссиқкўл вилоят судининг канцелярия раҳбари Назгул Ибраеванинг айтишича, митинг эрталабки соат 10да бошланган.

«Улар 10-15 киши эди. Улар тинчлик митингига йиғилишди, улар 20 дақиқа туриб, тарқаб кетишди», — деди Ибраева.

Бу митингдан кейин норозиликка чиққанларнинг учови суд раиси билан учрашиб, ишни қайта кўриб чиқишга келишишганини қўшимча қилди. «Улар ариза ёзиб, эртага ишни қайта кўриб чиқилади», — деди суд канцеляриясининг раҳбари.

Қоракўлдаги тиббий коллеж директори Анарбубу Апсалиевани 2016-йили ўлдириб кетишган. Қотилликдан бир неча кун ўтиб, жиноятни тан олган Апсалиеванинг 39 ёшдаги ҳамкасбини қўлга олишган.

Суд жараёни 2017-йилнинг январида бошланган. Судда айбланувчи тергов томонидан босим бўлаётганини ва уни қотиллик бўйича айбни тан олишга мажбур қилишганини билдирган.

Суд 2017-йилнинг 17-ноябрида тергов унинг бу ишда иштироки борлигини исботлай олмади деб ҳисоблаб, айбланаётган аёлни оқлаган.

Судья тергов айбланувчини Апсалиевани ўлдиргани бўйича инкор қилиб бўлмас далилларни кўрсата олган йўқ ндеб ҳисоблаган. Айбловчи томон судланувчининг қўлга олингандан кейинги кўрсатмасини берган.

Муаллиф: Рустам Халимов