Иқтисод министрлиги: қозоқ ёрламидан бош тортиши сабабли Қирғизистоннинг 11 муассасаси маблағ олмай қолади

573

Иқтисод министрлиги ҳисобот эълон қилган, унга кўра Қозоғистон билан бўлган шартномани денонсация қилиш сабабли Қирғизистоннинг 11 муассасаси тегишли маблағни ололмай қолади. Бу вақтгача парламент депутатлари учинчи ўқишда Қозоғистон ажратадиган 100 млн доллар ёрдамни инкор қилиш бўйича қонун лойиҳасини қўллаган.

Иқтисод министрлигининг маълумотига кўра, Қозоғистоннинг 41 млн доллар миқдоридаги биринчи ўтказадиган маблағи Қирғизистоннинг кейинги муассасаларига берилиши керак эди:

  • Божхона хизмати — 3 286 800 млн доллар;
  • Соғлиқни сақлаш министрлигининг касалликларни олдини олиш ва давлат санитар-эпидемиология назорат департаменти — 5 199 463 млн доллар;
  • Соғлиқни сақлаш министрлигига қарашли дори-дармонлар билан таъминлаш департаменти — 1 863 523 млн доллар;
  • Давлат алоқа агентлиги — 553 000 минг доллар;
  • ФҲМ — 749 621 минг доллар;
  • Иқтисод министрлигига қарашли Стандартлаштириш маркази — 4 622 486 млн доллар;
  • Иқтисод министрлигига қарашли «Умумий дераза маркази» — 1 698 700 млн долларов;
  • «Қирғизтемирйўл» — 577 840 минг доллар;
  • Қишлоқ хўжалиги министрлиги — 6 166 281 млн доллар;
  • Ветеринар ва фитосанитар хавфсизлик бўйича давлат инспекция — 15 833 718 млн доллар;
  • Молия министрлигига қарашли қимматбаҳо металлар департаменти — 486 663 минг доллар;

Қозоғистон президенти Нурсултан Назарбаев ёрдам ажратиш шартномасига 2017-йилнинг июлида қўл қўйган.

Бу маблағга Қирғизистон ҳукумати лаборатория қуришни режалаштираётган эди. Бироқ вице-премьер-министр Дуйшонбек Зилалиев билдиришича, Қирғизистон ҳукумати барча керакли лабораторияларни ўз пулига қурган.

Аввалроқ 100 млн доллардан воз кечишни президент Алмазбек Атамбаев ҳам қўллаб, 15-октябрда Қирғизистон Қозоғистоннинг ёрдамига «мухтож эмас» деб билдирган.

«Ҳозир мени қозоқлар бизга 100 млн доллар бераётганига талашмоқда. […]. Бу техник ёрдам деб аталади. Биз уларга муаммоларимиз билан боргунча улар уч йил кутишди. Ҳақиқатни айтганда бизга мундай ёрдамнинг кераги йўқ», — деб билдирган президент.

Қирғизистон ҳукумати ҳужжатни парламентга 20-октябрда қирғиз-қозоқ чегарасидаги вазият оғирлашиб кетгандан кейин жўнатган.

Дипломатик жанжал

Қирғиз-қозоқ чегарасидаги вазият президент Алмазбек Атамбаевнинг қозоқ ҳукумати номига айтган танқидий фикрлари сабабли оғирлашган. Асосан у ўлканинг бойликларини «ўғирламоқда» деб айблаган.

Шундан сўнг 10-октябрда қозоқ чегарачилари фуқароларни чегарадан ўтказиш тартибини оғирлаштирган — ўтказиш бекатларида навбат кутишлар пайдо бўлиб, автотирбандликлар юзага кела бошлаган.

Вазият 18-октябрда яхшиланган — икки давлатнинг ҳукумати фуқаролар билан бўш машиналарни чегарадан ўтишини соддалаштиришга келишишган.

Муаллиф: Рустам Халимов