«Вечерний Бишкек»нинг собиқ эгаси Александр Ким молия полициясида 28-мартда иккинчи марта сўроқ қилинди. Ким 2015-йили «Вечерний Бишкек» нашриётидан ноқонуний дивиденд олган деб гумон қилинмоқда. Тергов апрелнинг охиригача узайтирилди.
«Вечерний Бишкек»нинг собиқ эгаси Александр Ким 28-мартда молия полициясида беш соатдан ортиқ сўроқ қилинди. Кимнинг адвокати Сергей Воронцов тергов муддатини апрелнинг охиригача узайтирилганини хабар қилди.
Воронцовнинг сўзларига кўра, молия полициясининг терговчилари уни «Рубикон» компаниясининг эгаси Александр Рябушкин билан юзлаштиришни таклиф қилишган. Бироқ Ким бундан бош тортиб, Рябушкиннинг кўрсатмаларини беришини талаб қилди.
Адвокатнинг сўзларига кўра, улар терговчиларга 2000-йилнинг 2015-йилгача 42 ҳужжатни кўрсатишган.
«Ҳар бир ҳужжат бўйича тушунтириш бердик. Шундан сўнг бизга 31-мартдан кейинга тергов тайинлашди. Унда юзлаштириш бўлади деб кутяпмиз», — деди у.
Ким тергов битгунча ҳеч қаерга кетмаслиги тўғрисида тилхат ёзиб берган.
Молия полицияси уни «Вечерний Бишкек» нашридан 2015-йили дивидендларни ноқонуний чиқариб кетганликда гумон қилмоқда.
Ким ўзи Kloop.kg билан бўлган суҳбатда унга қарши қўзғалган жиноий иш асоссиз эканлигини билдирган. Унинг айтишича, у 2015-йили нашриётдан дивиденд олиш ҳуқуқи бор эди, унда буни исботлайдиган ҳужжатлари бор.
Молия полициясининг ходимлари Кимнинг уйига 17-мартда келиб, у ҳеч қаерга кетмаслиги тўғрисидаги тилхатни бузди ва қидирувда деган баҳона билан уни ушлаб кетишга ҳаракат қилишган.
Уни молия полициясининг ходимлари ушлаб кетишолмаган, сабаби унинг уйига юристлар, журналистлар, ҳуқуқ ҳимоячиси Динара Ошурахунова, «Ата Мекен» депутати Наталья Никитенко ва собиқ депутат Асия Сасикбаева етиб келишган.
Шу куни Александр Кимнинг уйига ЭКККМК терговчи Арзибек Жакишев борган. Ким у билан молия полициясига бориб сўроқ беришга рози бўлган.
Муаллиф: Александра Титова
