Атамбаев ўз маслаҳатчиси Илмияновни хизматдан бўшатди

628

Президент ўз маслаҳатчиси Икрамжан Илмияновни хизматдан бўшатди. Унинг хизматдан кетишининг расмий сабаби — “бошқа ишга кўтарилгани билан боғлиқ”. Қайси ишга ўтгани ҳозирча номаълум.

Атамбаев Икрамжан Илмияновни президент маслаҳатчисининг хизматидан бўшатган фармонга қўл қўйди.

Президент аппаратининг ахборот бўлимининг матбуот учун хабарида унинг хизматдан кетишига “бошқа ишга кўтарилгани” сабаб бўлгани айтилади, бироқ қайси ишга ўтгани айтилмайди.

Илмиянов, “президент маслаҳатчиси” деган хизматга қадар  Атамбаевнинг ҳайдовчиси бўлиб ишлаб келгани билан маълум.

2009 йили у олий билимга эга бўлиб, Атамбаевнинг “Медиа Форум” компаниясида экономист бўлиб ишлай бошлаган. Бунга қадар 2007 йилдан 2010 йилга қадар ижтимоий-сиёсий ишлар билан шуғулланиб, мухолифатчи бўлиб юрган Атамбаевнинг ҳайдовчиси бўлган.

2010 йилдаги апрель революциясидан кейин Илмиянов Атамбаевнинг яқинидаги хизматларда ишлай бошлаган.

2010 йилдан бошлаб у ўша вақтда Вақтли ҳукуматнинг премьер-министри хизматини бажарган Атамбаевнинг ёрдамчиси бўлиб ишлаган. 2011 йилдаги президентлик сайловидан кейин эса президентлик аппарати етакчисининг биринчи ўринбосари бўлган.

Илмиянов буни “Вечерний Бишкек” нашрининг “рейдерлик йўли билан босиб олди” деган даъвосининг шартида 2015 йилнинг апрелида хизматини топширган. У бу йирик медиа-холдингдаги ҳусусий мулк эгаларининг алмашишига алоқаси бор эканлигини инкор қилган  — Илмиянов “йўқ ердан қоралашга чидамай қолганини” билдирган.

2015 йилнинг ноябрида Атамбаев Илмияновни президентнинг маслаҳатчиси қилиб тайинланган.

Расмий маълумотлар бўйича, Илмияновнинг уй ва бир неча автомашинаси бор:

  • уй, 90 квадрат метр;
  • автоприцеп ОДА 39370, 1992 йили чиқарилган;
  • юк ташувчи автомашина МАЗ 354323, 1992 йили чиқарилган;
  • енгил автомашина “Мазда 929”, 1984 йили чиқарилган;
  • енгил автомашина “Даймлер-Бенц 200”, 1986 йили чиқарилган.

Яқинларининг мулки:

  • тўхтатиш ўрни, 16,5 квадрат метр;
  • квартира, 143 квадрат метр;
  • юк ташувчи автомашина “МАН”, 1993 йили чиқарилган.

Муаллиф: Александра Титова