Бишкек-Ўш йўлидаги воқеадан беш киши ҳалок бўлди

794

Оғир юк машинаси билан енгил автомобиль Бишкек-Ўш йўлида тўқнашиб, беш оадм, унинг ичида икки нафар ёш бола ҳалок бўлган. Етти киши касалхонага етказилган. ФҲМ хабарига кўра, ҳалокатнинг келиб чиқиши тезликнинг юқорилаши бўлиши мумкин.

Йўл ҳалокати натижасида Бишкек-Ўш автойўлида беш одам ҳалок бўлиб, етти нафари касалхонага етказилган. Вафот этганларнинг орасида икки ёш бола, икки аёл ва бир эркак киши бўлган.

Воқеа Бишкек-Ўш йўлининг 378 километрида, Қоракўл шаҳри ҳудудида 13-сентябрда содир бўлган. «Тойота Эстима» билан «Хово» юк машинаси тўқнашган.

2

Жанубий ҳудуд бўйича ФҲМнинг матбуот маркази ходими Мухаммед Сваровнинг Kloop.kgга билдиришича, воқеа сабаблари Жалолобод област Патрул милиция бош бошқармасининг ходимлари томонидан текширилмоқда.

«Ҳалокат сабаби “Тойота” ҳайдовчисининг тезликни юқорилатгани бўлиши мумкин. У машинани бошқаролмай, “Хово” билан тўқнашган. Енгил автомашина йўлдан чиқиб, ағдарилиб бир неча марта айланиб кетган», — деди у.

Сваров маълумотига кўра, фалокатга 14 одам учраган, уларнинг беш нафари воқеа бўлган жойда ҳалок бўлган, қолган еттиси турли даражада жароҳатланган.

3

«Йўлдан ўтаётган машиналар билан уч нафарини Қоракўл шаҳар касалхонасига етказишган. Тўрт нафарини эса шаҳар касалхонасига воқеа жойга келган патрул милицияси ходимлари олиб боришган», — деди у.

Йўл ҳалокатида вафот этганлар:

— Атабек қизи Айгерим , 2000-йили туғилган;

— Эсенов Батий Эркинович, 2007-й.т.;

— Эсенова Айжан Эркиновна, 22-май 2016-й.т.;

— Полотова Асель Манасбековна, 1981-й.т.;

— Кипчакбаев Эркин Эсенович, милиция капитани, Қорасув РИИБнинг участка нозири.

Жабрланганлар бўйича маълумотлар аниқланмоқда. «Хово» юк машинасида бўлган икки одам жабрланган эмас.

Муаллиф: Александра Титова

Сурат: АКИпресс