Ўш: Мэр келишини кутган ўқувчи қиз ҳушидан кетиб йиқилди

798

«Семетей» болалар боғчасининг очилишига Ўш шаҳар мэрини ва биринчи вице-премьер-министрни тенгдошлари билан кутаётган 9-синфнинг ўқувчиси ҳушидан кетиб йиқилди.

Қирғизистон мустақиллигининг 25 йиллиги муносабабти билан Ўш шаҳрининг Ўзғур қишлоғида болалар боғчасининг очилиши бўлаётганда 9-синф ўқувчиси ҳушидан кетиб йиқилган.

Ўқувчи ўз синфдошлари билан бирга Ўш мэри Айтмамат Кадирбаевни яна биринчи вице-премьер-министр Мухаммедкалий Абилгазиевни кутаётган вақтда ҳушини йўқотган.

Kloop.kg мухбири Дастан Умўттегиннинг маълумотига кўра, амалдорлар боғчанинг очилишига бир соат кеч келишган.

Foto_mer__

«Семетей» болалар боғчасининг етакчиси Айсалқин Осмонкулованинг сўзларига кўра, ўқувчи қиз «кун иссиқлиги» сабабли ҳушини йўқотган. «Қизнинг аҳволи қониқарли. У қуёшда кўп турганлиги сабабли ҳушидан кетган», — деган у.

Ўқувчининг аҳволи номаълум — уни зудлик билан болалар боғчасининг биносига олиб кириб кетишган.

Ўқувчи қизлар очилиш маросимига эрталабки соат 6:30да келганини, маросим эса соат 8:00да бошланиши кераклигини айтишган. Кейин очилиш маросимини бир соатга жилдиришган.

Бир йил аввал Ўшда «Мангу олов» мемориал комплексининг очилиш маросимида ҳам ўқувчилардан бири ҳушидан кетган. Улар премьер-министр Темир Сариевни кутишаётган эди.

Муаллиф: Дастан Умоттегин