Италия жанубида жойлашган Апулия ҳудудидаги йўловчи ташувчи икки поезднинг тўқнашуви 27 кишининг ҳаётига зомин бўлди. Яна 50 киши турли даражадаги жароҳатларни олишди. Италия ҳукумати воқеани “йўл қўйиб бўлмас фожеа” деб атаб, халокат сабабларини аниқлашга харакат қилмоқда.
Италиянинг Апулия ҳудудидаги Андрия ҳамда Корато шаҳарларининг ўртасидаги темир йўлда икки поезднингтўғрима-тўғри тўқнашуви 12 июнда бўлди. Халокатдан 27 киши вафот этди, уларнинг ичида поездларни бирининг машинисти ҳам бор.
Маҳаллий Panorama нашри 50 йўловчи турли даражадаги жароҳатларни олишиб, ҳозирда касалхонада ётганликларини билдирди. Ҳозирча халокатдан олдин икки поезднинг ичида жами бўлиб қанча йўловчи бўлганлиги номаълум.
Reuters халқаро ахборот агентлигининг билдиришича, поездлар юқори тезликда харакатланаётган бўлган ҳамда тўқнашувдан кейин уларнинг турли қисмлари атрофга сочилган.
Омон қолган йўловчилар вафот этганлар бир қанча бўлакларга бўлиниб кетганликларини айтишган.
“Бу даҳшатли манзара бўлди”, — деб билдирган гувоҳлардан бири Reuters агентлигига берган интервьюсида.
Нашрнинг маълумоти бўйича, ҳар бир поездда тўртадан вагон бўлган. Халокат бўлган ерда олинган суратларга қараганда, уларнинг учтасигина бутун қолган.
Ҳозирча фалокат сабаблари номаълум, чунки поездларнинг бирини машинисти вавот этган, иккинчиси эса касалхонада. Италия президенти Серджо Маттарелла ҳуқуқ органларидан тез оранинг ичида воқеа сабабини аниқлаб чиқишни талаб қилди.
Италиянинг La Repubblicа газетаси поездларнинг тўқнашувидан қочиб қутилиш имконсиз бўлганини ёзди. Матбуот воқеани текшириш комиссиясига таяниб машинистларнинг бири йўл чироғи қизил ёниб турган вақтла ўрнидан жилганини билдирмоқда.
Апулия ҳудудининг прокуратураси жиноий иш қўзғади. Назорат органи халокатга алоқа тизимидаги узилишлар сабаб бўлган бўлиши мумкин деб таҳмин қилмоқда.
Муаллиф: Анастасия Шевцова
