Бишкек шаҳар мэрияси Ёш Гвардия бульвари ва Лев Толстой кўчаси кесишмасидаги кўприк остида жойлашган мозаик барельефни бузишни режалаштирмоқда. Бу ҳақда Peshcom ташаббуси хабар берди.
Фаолларнинг айтишича, муниципалитет уларнинг сўровига жавобан мозаика гўёки «авария ҳолатида» эканини билдирган. Ушбу ишни қайта тиклаш «мақсадга мувофиқ эмас» деб топилган.
«2025-2026 йилларда бу ерда Хитой гранти ҳисобига янги йўл узели қурилади»,
— деб тушунтирди фаоллар.
Мозайкали барельеф Совет даврида яратилган.
«Милллий ва абстракт нақшлар, ҳайвонлар ва саноатлаштириш объектлари тасвирланган санъат асари йўлнинг ҳар икки томонида 200 метрга яқин масофада жойлашган», — деб эслатди ташаббус вакиллари.
Сўнгги пайтларда пойтахт ҳокимияти фақат шаҳар қиёфасини безатиб турган эски санъат асарларини эмас, балки бутун тарихий биноларни ҳам йўқ қилмоқда. Илгари «Қирғизфильм» кино ишлаб чиқарувчилари ҳокимиятнинг уларнинг биноларини бузиб, давлат ипотека уй-жойлари қурилиши учун ажратиш режаларига шикоят қилган эди. Ҳозирда уларга янги бинога кўчиш таклиф қилинган, аммо ушбу бино ҳали фақат ваъда қилинган.
