Суданда Ил-76 юк ташувчи самолёт ҳалокатга учради. Бу ҳақда мамлакатдаги Россия элчихонаси Суданнинг тезкор ҳаракат қўшинлари (ТҲҚ)га таяниб хабар берди, улар ҳозирда Судан армияси билан уруш олиб бормоқда.
Sudan War Monitor лойиҳаси маълумотларига кўра, самолёт парчалари орасидан топилган Қирғизистоннинг New Way Cargo Airlines авиакомпаниясига тегишлиликни кўрсатувчи фрагмент самолётга улар хизмат кўрсатган бўлиши мумкинлигини англатади.
Baza ва Mash телеграм каналларининг хабар беришича, ҳалок бўлганлар орасида Бошқиртистондан бўлган авиаинженер Антон Селиванц ва Airline Transport Incorporation FZC компаниясининг бош инженери Виктор Гранов бор. Унда «Манас» халқаро аэропортининг гувоҳномаси топилган.
«Манас» аэропортидан Kaktus.media нашрига Гранов Россия фуқароси эканлигини ва гувоҳнома аэропорт билан ҳамкорлик қилувчи компаниялар мутахассисларига берилганини тасдиқлашган. «Гранов билан боғлиқ ҳолатда бу компания New Way Cargo эди», деб ёзди нашр.
«Kloop» сайтига New Way Cargo Airlines авиакомпаниясида Гранов деган ходим уларда ҳеч қачон бўлмаганини айтишган. Бундан ташқари, бу йил бошидан бошлаб компанияда самолёт қолмаган.
«Бизнинг компания самолётлари ижара шартномаси асосида ишлаган. Самолёт эгаси 2024 йил 20 январь куни шартномани бекор қилишини маълум қилди. Шу муносабат билан 21 январь куни биз фуқаролик авиация агентлигига самолётларни Қирғизистон фуқаролик ҳаво кемалари реестридан чиқариш тўғрисида мактуб юбордик», — дейишган у ерда.
Sudan War Monitor лойиҳасининг маълумотларига кўра, самолёт ТҲҚ учун юк ташиган бўлиши мумкин. Лойиҳа айтишича, самолётни хатолик билан ўша гуруҳнинг ўз аскарлари уриб туширган бўлиши эҳтимоли бор.
«Обломлардан олинган далиллардан келиб чиқилса, бу самолёт аслида БАА томонидан ТҲҚни қўллаб-қувватлаш учун молиялаштирилган ҳаво кўприги бир қисми бўлган. Обломларни тасвирга олган қувноқ аскарлар ўзларининг юк ва логистика ташишлари учун самолётни уриб туширганликларини тушунмаган кўринади», — деб ёзган лойиҳа.
Судандаги фуқаролик уруши 2023 йил апрель ойидан бери давом этмоқда. ТҲҚ бу урушда ҳукумат кучларига қарши курашмоқда, бу исёнчиларни БАА ва Россия, шу жумладан Вагнер ЧВКси, қўллаб-қувватламоқда.
