Вазирлик маълумотларига кўра, кўп ёғган қор туфайли Бишкек — Ош йўлининг тоғли ҳудудларида «Чичқон» ва «Сосновка» назорат-ўтказиш пунктларида машиналар ҳаракатига чекловлар жорий этилди.
Йўллар тозаланмоқда. ЙҲХД бошқармаси ҳайдовчилардан заруратсиз узоқ ҳудудларга йўлга чиқмасликни ва ёзги шиналарни қишгисига алмаштиришни сўрамоқда.
Аввалроқ Фавқулодда вазиятлар вазирлиги 6:00 ҳолатига кўра Бишкек — Ўш трассасида 1000 га яқин машина тиқилиб қолгани ҳақида хабар берган эди. Вазирлик маълумотларига кўра, тиқилинч қор ёғиши ва йўлга ёзги шиналар билан чиққан юк машиналари туфайли юзага келган. Қутқарувчилар ҳайдовчилар учун иситиш пунктларини ташкил қилган.
ФВВнинг 8:30 даги маълумотларига кўра, тиқилинч бартараф этилган ва енгил автомобиллар Ўшдан Бишкекка ўтказилмоқда.
