Чуй вилояти суди 25 сентябрда Аламудун туман судининг Алмазбек Атамбаев тарафдори ва «Социал-демократлар» партияси аъзоси Алгу Қиличевни Қўйтош воқеалари бўйича гаровга олиш айблови билан 10 йилга озодликдан маҳрум қилиш тўғрисидаги қарорини ўз кучида қолдирди. Бу ҳақда унинг адвокати Жанат Гулжигитов «Азаттиқ»қа маълум қилди.
Адвокатнинг айтишича, улар энди вилоят суди қарори устидан Олий судга шикоят қилишни режалаштирмоқда.
Аламудун туман суди ўз қарорини 21 июнь куни эълон қилган эди. Қиличев ўшанда суд ҳукмини «сиёсий таъқиб» деб атаган.
Фаол Алгу Қиличев 2019 йил август ойида собиқ президент Алмазбек Атамбаевнинг резиденциясига қилинган ҳужумдан икки кун ўтиб ҳибсга олинган эди. Қиличев Кой-Тошдаги Атамбаевнинг уйида бўлган, у ерга собиқ президентни қўлга олиш учун милиция ва махсус кучлар ходимлари киришга уринган эдилар.
Терговчиларнинг фикрича, Қиличев махсус кучларнинг олти нафар жангчисини гаровга олишда иштирок этган.
