Бугун Вазирлар Маҳкамаси мамлакат Паралимпия терма жамоасини кузатиш тадбирини ўтказди.
Вазирлар маҳкамаси раҳбарининг ўринбосари Эдил Байсалов Қирғизистон тарихида биринчи марта Паралимпия ўйинларида тўрт нафар спортчи иштирок этаётганини таъкидлади.
Пауэрлифтинг бўйича Миргул Болоталиева, енгил атлетика бўйича Гулназ Жузбоева, триатлонда Айтунук Жоомарт қизи, дзюдо бўйича Маматибраим Суранов.
«Сизнинг ютуқларингиз ва спортингиз барчамизни бирлаштирмоқда, ҳар биримизни кучли бўлишга ва яхшироқ бўлишга ундамоқда. Паралимпия ўйинларида иштирок этаётганингизнинг ўзи ғалабадир. Сизнинг жасоратингиз ва ғалабага бўлган хоҳишингиз нафақат мамлакатимиз, балки бутун дунёни руҳлантиради», — деди Байсалов.
Тадбир сўнгида у Паралимпия терма жамоаси сардори Маматибраим Сурановга давлат байроғини топширди.
Паралимпия ўйинлари Парижда 28 августдан 8 сентябргача бўлиб ўтади. Унда 182 давлатдан 4400 нафарга яқин спортчи иштирок этади.
