15 август куни Ўш шаҳрида Париж Олимпиадаси иштирокчиларини кутиб олиш маросими бўлиб ўтди. Ўш шаҳар мэри Бақтибек Жетигенов спортчиларни табриклаб, пул мукофотлари ва қимматбаҳо совғаларни топширди.
Олимпия ўйинларида бокс бўйича иштирок этиб, кумуш медални қўлга киритган боксчи Мунарбек Сейитбек ўғли 3 хонали квартира ва 1 миллион сом, мураббийи Беганас Султонбаевга 2 хонали уй ва 500 минг сом пул мукофоти топширилди. Яна бир мураббий Турдали Оморовга 500 000 сом сертификат топширилди.
Юнон-рум кураши бўйича Олимпия ўйинларининг бронза медали совриндори Акжол Маҳмудов 1 миллион сом, мураббийи Мейрамбек Ахметов эса 200 минг сом билан тақдирланди.
Дзюдочи Айбек Кубаничбекнинг ўғлига 250 минг сом, мураббийи Бақит Жусуповга эса 100 минг сом пул мукофоти топширилди.
Эслатиб ўтамиз, аввалроқ Президент Садир Жапаров Парижда бўлиб ўтган Олимпия ўйинлари иштирокчилари ва совриндорларига автомобиллар ва пул мукофотларини топширган эди.
Парижда бўлиб ўтган сўнгги Олимпиада ўйинларида Қирғизистон терма жамоаси 6 та медаль – 2 та кумуш ва 4 та бронза медалини қўлга киритди. Мусобақада Қирғизистондан спортнинг беш тури бўйича 16 нафар спортчи иштирок этди. Қирғизистон терма жамоаси умумжамоа ҳисобида 68-ўринни эгаллади.
