Чүй вилоятининг Сўқулуқ туман суди блогер Эртай Искаковни ва Селекция қишлоғининг икки турғуни Бакит Балбаев билан Бактибек Бекболотовни уй қамоғига чиқарди. Бу ҳақда «Азаттиқ»қа адвокат Шердор Абдикапаров билдирди.
Суд блогер Эртай Искаковни бу йил июль ойида икки ойга қамоққа олган. Бу Селекция қишлоғининг маҳаллий турғунлари сув йўқлиги сабаб митингга чиқиб, йўл тўсишгандан кейин бўлган.
Милициянинг маълумотига кўра, шу куни 100га яқин турғун магистрални тўсиб, машиналарнинг ўтишига тўсқинлик қилишган. Турғунлар йўлни сўзлашувлардан кейин 15 июль куни тунги 02:00да очиб, тарқалишган.
Бу воқеада Искаков билан бирга маҳаллий турғунлар Бакит Балбаев билан Бакит Бекболотов ҳам қўлга олиниб, қамоққа олинган. Искаков ўзи у ерга маҳаллий турғунларнинг сув масаласини ёритиш учун борганини айтган.
Милициянинг версияси бўйича, Искаков маҳаллий турғунларни «радикал чораларга» чақириб, норозиликни «қўзғатувчи» бўлган. Воқеадан кейин Искаковга ва бу икки турғунга «Йўлларни ноқонуний тўсиш» ва «Безорилик» моддалари билан жиноят иши қўзғалган.
