Криминал Камчи Колбаевнинг жиноий иши муддати ўтиб кетгани сабаб қисқартирилди. Бу маълумотни «Азаттиқ»қа унинг собиқ адвокати Сергей Манукян билдирди.
«Ҳозир унга қарши ҳеч қандай жиноий иш йўқ. Қозоғистондаги қандайдир маълумот бўйича асоссиз ушлашган. Кейин аниқлаб чиқиб, 2021 йили жиноий иш қисқартирилган. Менинг маълумотим бўйича, унинг ҳозир ҳеч қандай жиноий ишга алоқаси йўқ», — деди у.
Колбаевнинг иши тўхтатилгани ҳақида 16 августда ўз манбаларига таяниб, 24.kg ва Kaktus.media нашрлари ёзган.
«Криминал Камчибек Асанбек Қозоғистонда транс миллий жиноий гуруҳ тузган деб гумон қилинган эди. Жиноий иш 2007 — 2009 йиллари бўлгани сабаб, уни жиноий жавобгарликка тортишнинг муддати ўтиб кетган. Шу сабаб МХДҚ жиноий ишни тергов қилишни тўхтатди», — деб билдирган 24.kg.
МХДҚнинг ўзи Колбаевга нисбатан жиноий иш тўхтатилгани ҳақидаги маълумот бўйича изоҳ бермади.
Колбаевнинг қўлга олиниши
Колбаев 2020 йилнинг октябрида «уюшган жиноий гуруҳларнинг фаолиятини олдини олиш ва аниқлаш бўйича олиб борилган иш асосида» қўлга олинган. У «жиноий гуруҳ тузиш ва унга қатнашиш» бўйича гумонланаётгани маълум қилинган.
Қўлга олингандан кейин Колбаев №47 ахлоқ тузатиш қамоғига киритилган. Бироқ 2021 йилнинг мартида Бишкек шаҳар суди унинг эҳтиёт чорасини ўзгартириб, ҳеч қаерга кетмаслик шарти билан қамоқдан чиқарган.
Шунингдек, МХДҚ криминалнинг қариндошлари «жиноий даромадларни легаллаштириш» иши бўйича давлатга 49,6 млн сом тўлаганини билдирган. Бу иш бўйича келтирилган зарарнинг миқдори 250 миллион сомдан ортиқ бўлган.
Давлат қўмитаси қолган суммани Камчибек Асанбек 2021 йилнинг апрель ойи охиригача давлат бюджетига тўлаши кераклигини таъкидлаган. Аммо бу иш қандай тугагани номаълум, Колбаев озод қилингандан кейин МХДҚ ҳеч қандай маълумот бермаган.
2022 йилнинг ноябрида МХДҚ Колбаевни тегишли рухсат қоғозларисиз чегара ҳудудида юргани учун қайта қўлга олиб, протокол тузгандан кейин қўйиб юборган.
Колбаев ким?
Камчи Колбаев — Қирғизистон ва Марказий Осиёнинг машҳур криминалларидан бири. У уюшган жиноий гуруҳнинг лидери сифатида рўйхатда туради. Муассасанинг маълумотига кўра, 2018 йили унга 424 одам кирган.
Колбаев «қонундаги тождор ўғри» қатори машҳур.
2012 йилда АҚШ президенти лавозимида ишлаган Барак Обама Колбаевни йирик наркобаронлардан бири сифатида «қора рўйхат»га киритган. 2017 йилда АҚШ Молия вазирлиги ҳам уни қора рўйхатга киритиб, Колбаев «Биродарлар доираси» халқаро жиноий гуруҳининг бир қисми эканлигини маълум қилган.
АҚШ ҳукумати Колбаевни жавобгарликка тортишга ёки унинг жиноий схемасини бузишга шароит яратадиган маълумот учун 5 млн доллар мукофот эълон қилган.
