Жогорку Кенеш спикерининг ўринбосари Улан Примов ўз хоҳиши билан истеъфога чиқди. Бу ҳақда унинг ўзи 12-октябрда парламент йиғилишида билдирди.
Унинг эслатишича, 5 октябрь куни парламент янги спикер этиб «Ата-Журт Қирғизистон» фракцияси аъзоси Нурланбек Шакиевни сайлаган.
«Янги спикер сайланганидан кейин маънавий масъулиятни ҳис қиляпман, чунки ҳозир ҳаммамиз бир фракцияданмиз. Мен истеъфога чиқиш тўғрироқ, деб қарор қилдим», — деди у.
Вице-спикерлар Улан Примов ва Жамиля Исаева «Ата-Журт Қирғизистон» фракцияси аъзоси, уларнинг ҳамкасби Нурбек Сидигалиев эса «Ишеним» фракцияси аъзоси.
Депутат Нодира Нарматова, ўз навбатида, парламентнинг барча вице-спикерларини қайта сайлов ўтказишни таклиф қилди.
Талант Мамитовнинг истеъфога чиқиши
Жогорку Кенеш спикери Талант Мамитов 2022 йилнинг 5-октябрида истеъфога чиққан.
У ўз хоҳиши билан истеъфога чиқаётганини айтган.
«Сабаби парламентда яқинда бўлиб ўтган воқеа. Эсингизда бўлса, ўзи истаган барча депутатлар Боткенга борган. Бу масала оммавий ахборот воситаларига маълум бўлди. Кейин дарҳол ариза ёзиб, кетмоқчи бўлдим, бироқ депутатлар илтимосига кўра, ваколатларни вақтинча вице-спикер Жамила Исаевага топширдим. Бугун мен ўз хоҳишим билан спикерликдан кетишга қарор қилдим», — деган халқ вакили.
Спикерлик хизматига шу куннинг ўзида Нурланбек Шакиев сайланган.
