Бишкекнинг Биринчи Май туман суди Твиттерда миллатлараро адоватни қўзғатувчи пост ёзгани учун аёлни бир йилга озодликдан маҳрум қилди. Бу ҳақда «Клооп»га суд матбуот хизмати хабар берди.
Уларнинг маълумотларига кўра, шаҳар яшовчиси 13-сентябрь куни «ирқий, этник, миллий, диний ёки минтақалараро адоват қўзғатиш» моддаси бўйича кучайтирилган шартлар остида қамоқ жазосига ҳукм қилинган.
Суддан «Азаттык» нашрига маҳкум аёл ёзган пост маълум бир миллат вакилларига нисбатан ҳақоратомуз бўлганини айтишган.
«Суд экспертизаси 2022-йил 27-майдаги хулосасига кўра, В.Е. исмли шахс муаллифлик қилган пост салбий ва маълум бир этник гуруҳга нисбатан ҳақоратли хусусиятга эга. Унда ҳақорат қилишнинг лингвистик белгилари, салбий эмоционал баҳо бериш ёки маълум бир этник гуруҳга, яъни қирғиз халқига нисбатан салбий кайфиятда камситиш мавжуд», — дейилади суддан.
