Бишкекда Горький паркида «Путинизм»га қарши ўтаётган митинг тўхтатилди. Милиция йиғилганларни ушлаб, автозакка солиб кетди.
«Клооп» мухбирининг билдиришича, милиция акция иштирокчиларини Биринчи май туман ИИБига олиб кетган.
Гулбоққа йиғилганлар «Урушни тўхтат», «Путин урушни тўхтат» ва «Урушга йўл йўқ» деган плакатларни кўтариб кетишган.
Милиция митингчиларни қўлга олиш вақтида Бишкекнинг барча тўрт туман судининг 1-июлгача Россия билан Украинанинг урушига боғлиқ тинчлик йиғинларини, митингларни ва акцияларни ўтказишни тақиқлаган қарорини сабаб қилган.
Урушга қарши митинг бошланишидан бир неча соат олдин бу паркда Россияни қўллаш митинги ҳам ўтган. Бироқ шаҳар милицияси уларга судни тақиқлаган қарори борлигини эслатган.
Президент Садир Жапаров 1-апрелда Фейсбук саҳифасида «Путинизм»га қарши антиҳарбий митинглар шароитида мурожаат қилиб, элчиликлар олдига митингга чиқмасликка чақирган. Бироқ президент, Горький боғида митингларни ўтказса бўлишини айтган.
«Митинглар албатта бўлиши керак. Бунинг учун Горький боғини белгилаб бердик. Истасангиз 24 соат митинг қилинглар, истаган сўзингизни, фикрингизни айтинглар. Ҳеч ким қарши эмас. Биргина илтимос: Элчиликларни тинч қўйинглар», — деб мурожаат қилган давлат раҳбари.
Президент ўлка «демократия йўлидан қайтмаганини» ва «фуқароларнинг оғзини ёпиб, ҳуқуқини чекламаслигини» ҳам қўшимча қилган.
«Путинизм»га қарши митинг иштирокчилари бугун 2-апрелда Горький номидаги истироҳат боғидан Россия элчилигигача пиёда юриб, кейин тарқаб кетишни режалаштиришган эди.
