24 март куни соат 7:30 атрофида №193 маршрут таксининг ҳайдовчиси 7 апрель ва Ахунбаев кўчаларининг кесилишида фалокатга учраб ҳалок бўлди. Бу ҳақда Бишкекнинг патруль милициясининг матбуот хизмати билдирди.
Маълумотга кўра, ҳайдовчи 7 апрель кўчаси билан шимол томон кетаётиб, Ахунбаев кўчасидан ўтгандан кейин машинани бошқаролмай йўл четидаги дарахтга урилган.
Патруль милициясининг матбуот котиби Байгази Айткул ўғли «Клооп»га маршрутнинг ичида йўловчилар бўлмаганини билдирди.
Шу йилнинг 26 январида Бишкекнинг Элебесов-Щербаков кўчаларининг кесилишида икки маршрутка тўқнашиб, 18 одам жабрланган.
17 февралда №138 маршрут ҳайдовчиси Ден Сяопин ва Каракум кўчаларининг кесилишида 11 ёшдаги ўқувчи қизни уриб кетган.
Қиз касалхонага етказилиб, аҳволи яхшилангани маълум бўлган. машина жарима майдонига киритилиб, тергов ишлари бораётгани айтилган.
