Соғлиқни сақлаш вазири Алимкадир Бейшеналиев «Кактус Медиага» тиббиёт ходимлари учун уй қурила бошлаганини билдирди.
«Бугун бизнинг катта ютуғимиз — тиббиёт ходимлари учун икки уйнинг қурилишини бошладик», — деди у.
Тўққиз ва 12 қаватли уйлар Бишкекнинг Байтик Баатир ва Суйўркулов кўчаларининг кесилишида жойлашади. Бирида вазирнинг айтишича, уйлар бепул, бошқаси ипотекага берилади. Қурилиш ишини 2023 йилнинг 1 январигача тугатиш режалаштирилмоқда.
Бейшеналиевнинг айтишича, уйга муҳтож ходимларни комиссия танлайди.
«Қандай критерий билан танланишини ҳам ёзамиз. Ким уйга муҳтож бўлса, ўшаларга берамиз деб ўйлаяпман. Шунда улар [Қирғизистондан] кетишмайди. Маошини минг долларга кўтарамиз, кейин кетганлар ҳам қайтиб келишади», — деди вазир.
Бунгача уйлар МХДҚ ва ЖИДҚнинг ходимлари, чегарачилар учун қурилган. Бироқ ўқитувчилар билан тиббиёт ходимлари давлат хизматчиси бўлишига қарамай уй олишган эмас.
Ўқитувчилар, врачлар ва ижтимоий тармоқнинг ходимлари давлатдан имтиёзли ипотека турида ёрдам олишади, бироқ маошининг озлиги сабаб бу ёрдамдан фойдаланиш мумкин эмас.
2021 йилнинг 25 майида «Менинг уйим 2021-2026» янги ипотека дастури жамоатчиликка маълум қилинган. Унда давлат ипотека фоизи 6-8%дан 4%га камайтириш қаралган. 2021 йилнинг декабрида Соцфонд тадбиркорларга ва фуқароларга паст фоиз билан насия берадиган ижтимоий банк очишни режалаштираётганини маълум қилган.
