Ҳисоблаш палатасининг матбуот хизмати 8-декабрда Қирғизистонда COVID-19га қарши курашиш учун давлат бюджетидан ажратилган ва донорлардан келган маблағ эвазига аудит ўтказганини маълум қилди.
Унга кўра, палатанинг маълумотига кўра, коронавирус билан курашган идораларга ўтган йили давлат бюджетидан 5,5 млрд сом бўлинган. Бу маблағ 13 давлат идорасига бўлинган.
«Айни вақтда, бу маблағлар бўйича касаллик чиқим [ҳужжатларга кўра] умумий 4,7 млрд сомни ташкил қилган», —деб таъкидлашди палатадан.
Муассаса билдирганидек, маблағнинг аксарияти COVID-19га қарши курашган давлат ходимларига компенсация тўлашга сарфланган. Шунингдек маблағлар обсервациядаги тиббиёт ходимларини ва коронавирус билан касалланганларни озиқ-овқат, дори-дармон билан таъминлашга сарфланган.
Ҳисоблаш палатасининг аудити бир қатор молиявий хатоларни аниқлади. Уларнинг маълумотига кўра, ташкилотлар пандемияга қарши курашиш учун бўлган 2 млн 155 минг сом Соғлиқни сақлаш вазирлигининг махсус ҳисобига ўтказилган.
Бундан ташқари, Соғлиқни сақлаш вазирлигининг депозит ҳисобидан қўшимча меҳнат ҳақига аталган маблағдан 508 минг сом миқдорида таъминлаш тўловлари олинмаган.
Шу билан бирга, Соғлиқни сақлаш вазирлигига қарашли эпидемиологик фонд 217 млн 369 сомга дори-дармон сотиб олишда «Давлат харидлари ҳақида»ги қонунни бузгани аниқланди. Ҳисоблаш палатаси аудитнинг материалларини баҳолаш учун прокуратурага жўнатди.
Қоидабузарликлар Ислом тараққиёт банки орқали 152 минг долларга тиббий ускуналарни сотиб олишда ҳам аниқланди — божхона тўловлари тўланмаган. Яна бир бузиш ФҲВнинг Бишкек шаҳри бўйича бошқармасида ҳам аниқланди: унда 137 минг сомлик ортиқча маҳсулот ва 2020-йилга «озиқ-овқатга» боғлиқ 4 млн 645 минг сомлик қарз топилган.
Бундан ташқари, Ҳисоблаш палатаси 51 млн 720 сом миқдоридаги маблағни сарфлашда турли камчиликларни аниқлаган. Уларнинг қаторида:
- Асоссиз маош тўлаш — 1 млн 827 минг сом;
- Ишнинг кўламини ортиқча баҳолаш – 81 минг сом;
- Маблағларни мақсадсиз фойдаланиш – 45 млн 167 минг сом;
- Учётдаги яширилган дебиторлик ва ортиқча баҳоланган кредиторлик қарзи – 4 645 сом;
- Резервлар ҳамда бюджетдаги йўқотишлар — 898 минг сом;
- Маблағларни бефойда сарфлаш – 227 521 минг сом.
