Иқтисодий жиноятларга қарши курашиш давлат хизмати 6-ноябрда Бишкек мэриясининг Жамоат-давлат капитал қурилиш бошқармасининг собиқ етакчисини қўлга олди.
Бу ҳақда молия полициясининг матбуот хизмати маълум қилди. Шунингдек маълумотда собиқ етакчи О.С. деб белгиланган. Бу инициалдар мэриянинг ЖДКҚБнинг собиқ етакчиси Омурканов Сталбекка тўғри келади.
Муассаса билдиришича, Бишкек шаҳар мэриясининг ЖДКҚБнинг етакчи ходимлари 70 миллион сомга болалар боғчаси қуриш учун фойдасиз шартномаларни тузган.
«Етакчилар давлат ва халқнинг манфаатига қарши “Давлат сотиб олишлар ҳақидаги” қонунни бузиб иш олиб боришган. Бугун тушдан кейин Биринчи май туман суди томонидан қўлга олинган одамга нисбатан эҳтиёт чораси қўлланилади», — деб ёзилади билдирувда.
Бироз олдин Финпол Қирғизистондан катта миқдордаги жиноий даромад чиқариб турилган схемани аниқлаб, натижада Хитойга пул ташиган шубҳали курьерларнинг бирини қўлга олган. Маълумотга кўра, жиноий гуруҳ республикадан 180 млн доллардан ортиқ маблағни товар учун тўлов деган сабаб билан Хитойга олиб чиқиб кетган. Мазкур иш бўйича тергов ва пул чиқариш бўйича схемага алоқаси борлар қидирилмоқда.
