Президент Алмазбек Атамбаев Нью-Йоркдаги Бирлашган миллатлар ташкилотининг бош ассамблеясининг 72-сессиясида иштирок этади. 2016-йили у юрак аритмияси сабабли Нью-Йоркка етолмаган.
Президент аппаратининг матбуот хизматининг билдиришича, Атамбаев сентябрда Нью-Йоркда бўладиган БМТ бош ассамблеясининг 72-сессиясида иштирок этади.
Президент бошқа ўлкалар раҳбарлари билан ҳукуматларнинг ва ташқи сиёсат ведомстволарининг ўртасида муҳокамалар бошланган вақтда 19-25-сентябрь орасида ўша ерда бўлади.
Дастлабки маълумотларга кўра, 19-сентябрда Нью-Йоркка 100га яқин ўлканинг президентлари билан ҳукумат раҳбарлари боради.
Бу давлат раҳбари Атамбаевнинг БМТни 72-сессиясига Қирғизистон президенти қатори АҚШга борган биринчи ва сўнги сафари бўлади.
Атамбаев 2016-йилнинг сентябрида БМТнинг Нью-Йоркдаги бош ассамблеясига учиб кетган, бироқ Истанбул аэропортига қўниш вақтида у ўзини ночор ҳис қилиб, юраги оғриб қолган.
Президентга Туркияда биринчи тиббий текширув ўтказилган. Кейинчалик Россия президенти Владимир Путиннинг чақируви билан Атамбаев Москвадаги марказий клиник касалхонада даволанган.
Унда Қирғизистоннинг 2016-йилдаги делегациясини БМТга Атамбаев ўрнига ташқи ишлар министри Эрлан Абдилдаев олиб борган.
Муаллиф: Александра Титова
