Канаданинг Квебек шаҳрининг масжидида номаълум кишилар ўқ отишди. Натижада олти киши қурбон бўлиб,шубҳали шахсни полиция қўлга олди.
Квебек шаҳрининг масжидидаги ҳуфтон намози вақтида бўлган ҳужум оқибатида олти киши ҳалок бўлди. Камида саккиз киши яраланган.
CBCнинг хабарига кўра, отишув кечки соат саккизда бошланган. Бу вақтда масжидда 40қа яқин киши бўлган.
Полиция икки шубҳали шахс қўлга олинганини билдирди. Ҳозирда вазият назорат остида.
JUST IN: Video shows police in Quebec City, Canada responding to deadly shooting at mosque: … pic.twitter.com/JmquzVjpVD
— Derrick Rose WHAS11 (@WHAS11DRose) January 30, 2017
Бу вақтгача «Рейтер» маълумот агентлиги масжидга қуролли уч киши кирганини хабар қилган. Полиция учинчи киши яширинган бўлиши мумкин эканлигини ҳозирча инкор қилмади.
Дастлабки маълумотлар бўйича жиноятчи масжиднинг биринчи қаватида ўқ отиб, шундан сўнг уларнинг бири иккинчи қаватга кўтарилган.
«Улар ўқ отиб "Аллоҳу Акбар!" деб қичқиришган. Намоз ўқиётган одамларга ўқ тегди», — деб айтиб берди воқеанинг гувоҳи CBCга.
Маҳаллий Le Soleil газетасининг маълумоти бўйича, гумондорларнинг бири — «Квебек акценти билан сўзлаган» 27 ёшдаги йигит.
Квебек провинциясининг премьер-министри Филипп Куйяр бу жиноятни «ёввойи зўравонлик» деб атаб, қурбон бўлганларнинг оиласига ҳамдардлик билдирди.
«Биз Квебекнинг мусулмон халқи билан биргамиз», — деб ёзди у «Твиттер»даги ўз саҳифасига.
Unissons-nous contre la violence. Solidarité avec les Québécois de confession musulmane.
— Philippe Couillard (@phcouillard) January 30, 2017
2016-йилнинг ёзида улуғ Рамазон ойида масжиднинг остонасида совға қилиб ўралган чўчқанинг боши «Ёқимли иштаҳа» деган ёзув билан топилган.
2015-йили қўшни Онтарио провинциясидаги масжидга ўт қўйилган. Бу воқеа Париждаги террористик ҳужумнинг эртаси куни бўлган.
Муаллиф: Айдай Эркебаева
