«ПолитКлиника» нашрининг раҳбари Дилбар Алимова номаълум шахслар унинг ходимларининг аккаунтларини бузишга уриниб, хуруж уюштиргани ҳақида баёнот берди. У бу ҳақда Telegram’дан олинган огоҳлантирувларнинг скриншотларини Facebook’да жойлаштирди.
«Биз бу ҳолатлардан жуда хавотирдамиз. Журналистлар — ҳукуматнинг душмани эмас, биз фақат жамиятга ахборот етказамиз», — деди Алимова.
Унинг таъкидлашича, аввалроқ ўзларини Давлат хавфсизлик қўмитаси ходимлари сифатида таништирган номаълум шахслар нашр журналистларининг шахсий маълумотларини йиғишга уринган. Махсус хизматлар бу ҳолат юзасидан ҳозирча изоҳ бермаган.
Шунингдек, «Апрель» нашрининг журналисти Юлия Кулешова ҳам номаълум шахслар милиция ходими гувоҳномалари билан унинг шахсий ҳаёти ҳақида маълумот тўплаётганини хабар қилган эди. «Апрель»да ушбу воқеа Кулешованинг касбий фаолияти билан боғлиқ бўлиши мумкинлигини тахмин қилишган. Ички ишлар вазирлиги ҳозирча бу ҳолат бўйича изоҳ бермаган.
