МХДҚ KG Group қурилиш компаниясининг асосчиси Имомиддин Тошов билан боғлиқ вазиятга изоҳ берди. Хавфсизлик хизматида бизнесменнинг қорнини кесганини тасдиқладилар.
Давлат қўмитаси маълумотларига кўра, 30 октябрь куни эрталаб МХДҚ СИЗО ходимлари режали текширув вақтида «Тошовнинг қорин соҳасида иккита кесик ярасини топдилар». СИЗО тиббий ходимлари унга биринчи ёрдам кўрсатишган.
«Тез ёрдам келганидан кейин Тошовни тўртинчи шаҳар касалхонасига олиб боришга қарор қилишди. У пайтда терговдаги қамоқдаги шахснинг аҳволи барқарор деб баҳоланган. Тошовнинг камерадоши айтишича, у ўз ҳузурида бир марталик устара пичоғини сақлаган ва шу билан ўзини жароҳатлаган. Маълумотларга кўра, Тошов яқин қариндошлари билан келишиб, ўз жонига қасд қилишга тайёрланган», — деб маълум қилди МХДҚ.
Шу билан бирга, махсус хизмат ходимлари Тошовнинг яқинлари томонидан МХДҚ ходимлари уни қийноққа солганлиги тўғрисидаги баёнотларни рад этди.
«Хирург шифокор кўриги вақтида Тошов МХДҚ СИЗОсидаги қийноқларга шикоят қилган эмиш. Бу ҳолат ҳақиқатга тўғри келмайди. Бу ҳақда СИЗО ҳудудидаги кузатув камералари ёзувлари гувоҳлик бермоқда», — деди Давлат қўмитаси ходими.
Шунингдек, МХДҚ мазкур ҳолат ҳақида прокуратура органларини хабардор қилгани ва қийноқларни олдини олиш миллий маркази ходимларини чақирганини маълум қилди. Тошов НЦПП ходимларининг саволларига жавоб беришдан бош тортган эмас. Биринчи май туман суди қарорига кўра, бизнесмен СИЗО-1га ўтказилди.
Шу билан бирга, журналист-таҳлилчи Болот Темиров Тошовнинг овозига ўхшаш инсоннинг 11-12 июнь кунлари шаҳар МХДҚ бошқармасида қийноққа солингани ҳақидаги видеолавҳани эълон қилди. Унинг сўзларига кўра, уни бир неча киши урган, бошига пакет кийгизиб, боши ва буйракларига тепган, шунингдек, ток билан қийноққа солган.
Бундан аввал Имомиддин Тошовнинг онаси Президентдан уни уй қамоғига чиқаришни сўраган эди. Кеча аёл бизнесменни ток билан қийноққа солишгани ва МХДҚнинг СИЗОсида урганлари ҳақида баёнот берган.
