Қатор қурилиш компаниялари давлатга қарашли Ипотека компаниясига (ДИК) мингдан ортиқ квартирани топширди. Улар қонунбузарликлар билан қурилган уйларда жойлашган. Бу ҳақда Президент ишлари бошқармаси раҳбари Қанибек Туманбаев 24 октябрда Фейсбукдаги жонли эфирда маълум қилди.
«Ҳуқуқни муҳофаза қилувчи органлар ва МХДҚ “Кут” ва “Нурзаман” қурилиш компанияларидан ҳар бири 720 та квартирадан давлат балансига ўтказди. Шунингдек, “Ааламстрой”дан 62 та ва “Билдинг Делюкстан”дан 45 та квартира, “МИСК” компанияси эса 33 та квартира топширди», — деди амалдор.
Туманбаевнинг сўзларига кўра, бу уйлар яқин уч йил ичида қуриб битказилади. У шунингдек, қирғизистонликлар давлат ипотекасини олиш учун шу тартибда навбатга туришлари мумкинлигини таъкидлади.
Бундан олдин, МХДҚ ДИК Бишкек жанубида қурилаётган турар-жой мажмуасида 15 миллион доллар қийматидаги 300 та квартира олишини маълум қилган эди. Хавфсизлик хизматига кўра, бу ер қонуний бўлмаган ҳолда Аламедин ўрмон хўжалиги ерларидан хусусий мулкка ўтказилган.
Март ойида президент Садир Жапаров ДИКнинг барча акцияларини Президент ишлари бошқармасига ўтказиш бўйича ҳукуматга кўрсатма берган фармонни имзолади. Бунгача акцияларнинг 100% Давлат мулкини бошқариш давлат агентлигига тегишли бўлган.
