Мазкур қарорни депутатлар 23 октябрда ўтган йиғилишда қабул қилди.
Депутат Нвдира Нарматова «президент биринчи марта Олий суд раислигига профессионал шахсни тайинлаётгани»ни айтиб, муҳокамасиз овоз беришни таклиф қилди. Ҳамкасблари уни қўллаб-қувватлаб, Сатев номзодини бир овоздан маъқулладилар.
2013 йилда Сатев ўша пайтдаги депутатлар Садир Жапаров, Қамчибек Ташиев ва Талант Мамитовни ҳокимиятни куч билан эгаллаб олишга уринганлик айбловидан оқлаган судьялардан бири. Ўшанда судьялар кенгаши оқлов қарорини чиқарган судьяларни муддатидан олдин ишдан бўшатган.
2020 йилнинг октябрь ойида Сатев президент девони раҳбарининг биринчи ўринбосари этиб тайинланган. Кейин эса Олий суд ҳузуридаги суд департаменти директори бўлган. 2024 йил бошида у Олий суднинг судьяси этиб сайланган.
