Жалолобод вилоятининг Чатқал туманидаги Оқсой тоғларида қор кўчки тушгандан кейин бедарак бўлаётган олти кишини қутқарувчилар вертолёт билан қидиришади.
Фавқулодда ҳолатлар вазирлигининг маълумотига кўра, вертолёт бугун Ўш шаҳридан соат 7:30да учмб кетган.
Аввалроқ вазир Бообек Ажикеев об-ҳаво яхшиланиши билан вертолёт билан қидирув ишлари олиб борилишини айтган.
9 октябрда Чатқал туманидаги Қанишқия қишлоғидан 14 киши ўсимлик томирини тергани тоққа кетиб, йўқолиб қолган. Қутқарувчилар саккиз кишини қутқариб, қолган олти киши қор кўчкида қолгани айтилган.
