Соғлиқни сақлаш вазирлиги маълумотига кўра, «мамлакатда қизамиқ ҳолатларини қайд этишда камайиш тенденцияси кузатилмоқда». Ҳозирги пайтда вируснинг асосий тарқалиши Бишкек шаҳри ва Чуй вилоятининг икки туманида кузатилмоқда, бу ерларда вируснинг тарқалиши стационар ўчоқлар орқали давом этмоқда.
Республиканинг иммунопрофилактика маркази маълумотларига кўра, 1 сентябрдан 17 сентябргача мамлакатда 49 та қизамиқ ҳолати қайд этилган. Июль ойида 828 та, август ойида эса 260 та ҳолат қайд этилган эди. 2024 йил бошидан бери Қирғизистонда 13 320 та қизамиқ ҳолати рўйхатга олинган.
Қирғизистонда қизамиқ эпидемияси 2023 йилда бошланган. Касаллик авж олишига асосий сабаб Республиканинг иммунопрофилактика маркази томонидан «болалар ва катталар ўртасида қизамиқ ва қизамиққа қарши режали эмлашдан воз кечиш ҳолатлари кўпайгани» деб айтилган.
Шундан сўнг мамлакатда қўшимча ва тўлиқ эмлаш кампанияси бошланган. Талас вилоятида мақсадли гуруҳдаги болаларнинг 91% эмланган, Иссиқкўл вилоятида — 86%, Норин ва Боткен вилоятларида эса болаларнинг 76% ва 72% эмланган.
