Омбудсман матбуот хизмати маълумотига кўра, Карабаев тергов жараёнида унинг ҳуқуқлари бузилганидан шикоят қилган.
«У омбудсмандан ҳуқуқларини ҳимоя қилишни сўради. Карабаевнинг сўзларига кўра, унга нисбатан тергов ҳаракатлари ўтказилаётганда жисмоний куч ишлатилган», — деб хабар қилди Омбудсман институти.
Шу муносабат билан омбудсман Жамила Жаманбаева давлат органларини Жоомарт Карабаев ҳуқуқларини таъминлаш чораларини кўришга чақирди. Бундан ташқари, омбудсман Бош прокуратурага мурожаат йўллаб, Миллий фанлар академиясининг собиқ ходимининг шикоятларини текшириш ва тегишли чоралар кўришни талаб қилди.
Аввалроқ Карабаев МХДҚ терговчиси Азат Султаналиевдан таҳдид олганини айтган эди. Унинг сўзларига кўра, махсус хизмат ходими «уни адвокатлар йўқлигида МХДҚ биносида таҳдид қилган». Карабаевнинг мактубини ҳуқуқ ҳимоячиси Гулшайир Абдирасулова эълон қилган. МХДҚнинг ўзи Карабаевнинг баёнотини изоҳламади.
Жоомарт Карабаев жорий йилнинг июль ойидан буён СИЗО-1да қамоқда сақланмоқда. Унга нисбатан Қирғизистон Республикаси Жиноят кодексининг 278-моддаси 3-қисми бўйича («ҳокимият вакилларининг қонуний талабларига фаол бўйсунмасликка, оммавий тартибсизликларга чақириқлар ва фуқароларга нисбатан зўравонликка чақириқлар») айблов қўйилган.
Карабаевнинг адвокатлари унинг жиноий таъқибга учрашига сабаб сифатида, мижозларининг куч ишлатар идоралар топшириғи бўйича суд экспертизасини ёзишдан бош тортгани ва шуни бажарган собиқ ҳамкасбларини танқид қилганини кўрсатмоқда.
