Жалолобод вилоятининг Олабуқа туманидаги Жапа-Салди қишлоғида бир неча киши муштлашиб, улардан бири ўт очган. Бу ҳақда «Клооп»га вилоят ИИБ хабар берди.
Отишма ҳақидаги маълумот милицияга 12 сентябрь куни соат 17:00 атрофида келиб тушган. Милицияга мурожаат қилган эркак номаълум шахслар машинани қувиб, ўт очганини айтган.
«25-30 ёшли йигитлар муштлашиб, улардан бири трамвай қуролидан ўқ узгани аниқланди. Тинтув чоғида битта гильза олинди», — дейилади милиция хабарида.
Мазкур ҳолат юзасидан «Безорилик» моддаси билан жиноят иши қўзғатилиб, суд-тиббий, суд-биологик ва суд-балистик экспертиза тайинланган.
25 ёшли жабрланувчи туман касалхонасига ётқизилган, 30 ёшли гумонланувчи эса терговга олиб кетилган. У аввал Россияда талончиликда айбланиб судлангани айтилмоқда.
