Бу маълумотни «Клооп»га Марказий сайлов комиссияси тасдиқлади.
Марказий сайлов комиссияси аъзоларининг маълум қилишича, Қодирбеков бугун ўз хоҳишига кўра депутатлик ваколатларини муддатидан олдин тугатиш тўғрисида ариза ёзган. Бу ариза бугун кечқурун Марказий сайлов комиссияси мажлисида кўриб чиқилади.
Бундан аввал Қодирбеков «Ыйман» фонди иши бўйича Давлат миллий хавфсизлик қўмитасида гувоҳ сифатида сўроқ қилинганди. У 2019 йилгача бир неча йил давомида ушбу фондга раҳбарлик қилган.
Яқинда диний маърифат билан шуғулланувчи «Ыйман» фонди атрофида жанжал чиқди. Жорий йил июль ойида Молия вазирлиги аудиторлари фонд фаолиятини текширишни бошлади ва текширув натижалари бўйича $5 миллионлик ҳисобот топилмади. Текширув натижасида фонднинг собиқ бухгалтери қўлга олинди.
Нуржигит Қодирбеков «Ыйман Нуру» парламент фракцияси етакчиси ҳисобланади. «Ыйман Нуру» Жогорку Кенешда жами беш нафар депутатга эга.
