Қирғизистон Маданият вазирлиги оммавий ахборот воситалари, интернет ва ижтимоий тармоқлардан фойдаланган ҳолда ёлғон маълумот тарқатганлик учун жавобгарлик жорий этишни таклиф қилди. Тегишли қарор лойиҳаси 27 август куни жамоатчилик муҳокамасига қўйилди.
Муассаса Жиноят кодексининг 109-моддасига қўшимчалар киритишни таклиф қилмоқда. Қонун лойиҳаси қабул қилинса, оммавий ахборот воситалари, интернет ва ижтимоий тармоқлардан фойдаланган ҳолда ёлғон, нотўғри ёки чалғитувчи маълумотларни эълон қилганлик ва тарқатганлик учун жисмоний шахслар 100 минг сом, юридик шахслар эса 200 минг сом миқдорида жаримага тортилади.
Маданият вазирлиги қонун лойиҳаси жамият манфаатларини, фуқароларнинг ҳуқуқ ва эркинликларини ҳимоя қилиш учун зарур эканлигини таъкидлади. Муассасанинг фикрича, қонуннинг қабул қилиниши «аниқ маълумот тарқатиш ва аҳолининг интернетдан ахборот олишда танқидий фикрлаш зарурлиги тўғрисида хабардорлигини оширишга ёрдам беради».
Бугун Қирғизистонда «Аниқ бўлмаган маълумотлардан ҳимоя қилиш тўғрисида»ги қонун ишламоқда. Унга кўра, Маданият вазирлиги ёлғон маълумот тарқатган деб ҳисоблаган ҳар қандай сайтни суд қарорисиз блоклаши мумкин. Бир қатор нашрлар, жумладан Kloop’нинг сайти ушбу қонун билан блокланган.
Дастлабки тақиқлардан «Медиа Полис» Институтининг ҳуқуқшунослари фейклар тўғрисидаги қонун «ҳокимиятнинг ҳаракатларини кузатиб, фуқароларга ҳукумат фаолиятини яхшироқ тушунишга ёрдам берувчи маълумотларни ошкор қилувчи ОАВга қарши маъмурий ресурс» эканлигини билдирган.
