Бош прокуратура Арстан Абдилдаев (Алай)нинг ўлими юзасидан жиноят иши судга ўтказилгани ҳақида хабар берди.
Айбланувчилар Абдилдаев вафот этган 31-колониянинг беш нафар ходими бўлган. Бироқ улардан бири уй қамоғида бўлган вақтда вафот этгани учун, унга нисбатан қўзғатилган иш тўхтатилди.
№31 колониянинг тўрт ходимига «Масъулиятсизлик» моддаси бўйича жиноят иши қўзғалиб, иш Чуй вилоятининг Аламудун туман судида кўрилмоқда.
АрстанАлай номи билан танилган тадбиркор, сиёсатчи ва ижтимоий фаол Арстанбек Абдилдаев 5 январь куни №31 махсус тиббий ахлоқ тузатиш муассасаси овқатхонасида осилган ҳолда топилган эди. Жазони ижро этиш хизмати (СИН) маълумотларига кўра, у ўз жонига қасд қилган. 11 январь куни Абдилдаэвнинг ўлими юзасидан Бош прокуратура томонидан 31-сонли колония масъул ходимларига нисбатан «Масъулиятсизлик» моддаси бўйича жиноий иш қўзғатилган эди.
