Чегара хизматининг Ўш вилоятидаги қисмида хизмат ўтаётган 18 ёшли аскар ўқ отар қуролни эҳтиётсизлик билан фойдаланиш оқибатида вафот этди. Бу ҳақда 7-декабрда МХДҚнинг Чегара хизматидан хабар қилишди.
Маълумотга кўра, воқеа 6 декабрда бўлган. Тасодифан ўзини отиб олган аскар ўз вақтида ёрдам кўрсатилганига қарамай, воқеа жойида ҳалок бўлган.
Қайд этилишича, чегара хизмати аскарнинг ўлими юзасидан суриштирув ишларини олиб бормоқда.
Марҳум аскарнинг онаси «Азаттиқ» нашрига интервью бериб, мамлакат раҳбаридан «армияда хизмат қилганларнинг хавфсизлигини назорат қилишни» сўради.
Унинг сўзларига кўра, унинг ўғли Руслан Эрменбоев етти ака-уканинг иккинчиси бўлган. У сентябрь ойидан бери Ўшдаги 2024-ҳарбий қисмда хизмат қилаётган бўлган.
Аввалроқ, жорий йилнинг февраль ва июль ойларида Боткен вилоятида икки нафар ҳарбий хизматчи ўқотар қуролдан эҳтиётсиз фойдаланиш оқибатида ҳалок бўлган эди.
2022 йил августида президент Садир Жапаров мудофаа вазири Бактибек Бекболотовга «ўз вазифаларини лозим даражада бажармагани учун» қаттиқ танбеҳ берган эди.
Мудофаа вазирлиги раҳбари ушбу интизомий жазони Қуролли Кучлар Ҳарбий институтининг 19 ёшли аскарининг ўлимининг эртасига олган.
