Бишкек: Шеригини хўрлашда гумонлланган турғуннинг иши «томонлар ярашди» деб қисқартирилди

235
Сурат: Коллаж

Бишкекда фуқаролик никоҳидаги аёлига зўравонлик қилишда гумонланган American School ўқув марказининг 38 ёшли етакчисининг иши «томонлар ярашгани» сабаб қисқариб, гумондор озодликка чиқди. Бу ҳақда «Клооп»га 9-ноябрда Октябрь туман ИИБ билдирди. 

16-сентябрда Бишкек шаҳрининг турғуни унинг дугонаси бирга яшаган одами томонидан зўравонликка учраганини ёзган.

Ижтимоий тармоқларга жойланган билдирувда Бишкекдаги American School ўқув марказининг етакчиси Эрлан Усубакунов экани айтилган, турғун бирга яшаган аёлини «доим калтаклаб, турли йўл билан масхара қилиб, дазмол босиб қийнаши» айтилган.

Шунингдек, уларнинг тўрт ёшли қизи борлиги, жабрланувчи «эридан кетишга ҳаракат қилганда, у “қизни олиб қўяман, охиригача бирга бўлишимиз керак” деб қўрқитгани» таъкидланган.

Бишкекнинг Октябрь туман милицияси жабрланувчи 15-сентябрда ариза билан мурожаат қилганини ва «фуқаролик никоҳида яшаган эри бир кун олдин уни калтаклаб, зўрлаганини» айтганини тасдиқлаган.

Милиция бу воқеани «Зўрлаш» моддаси билан рўйхатга олиниб, туман суди гумондорни икки ойга қамоққа олган.

7-октябрда Ҳақиқатчи институти милиция, суд ва прокуратурага мурожаат қилиб, фуқаролик эри кўп йилдан бери зўравонлик кўрсатиб юрганини аёлнинг ҳуқуқларини ҳимоя қилишга чақирган. Институтдан жабрланувчи «суд гумондорни озод қилиб, у яна зўравонлик қила бошлайди деб қўрқитишаётганини» қўшимча қилиб, ҳуқуқни ҳимоя қилиш органларига бу ишни ўз назоратига олишни сўраган.